Txoj cai hais txog txhiam xws noj nyob Mas Nis Las

Pab neeg saib xyuas txhua yam nyob ib puag ncig, cov neeg ua liaj ua teb thiab cov tub zog Fis Lis Pees sib sau ua kab sib tawm tsam nyob hauv tuam ceeb Mas Nis Las, ze cov pwm tsav fab kev ua liaj ua teb lub tsev, kom tau txhib tus Txoov Tim Tswv Ferdinand Marcos ras txog kev pub txhiam xws noj rau neeg, vim yog thawj yam tseem ceeb tshaj. Tus Txoov Tim Tswv Ferdinand Marcos los txais nws txoj hauj lwm ua Txoov Tim Tswv yog hnub tim 30 lub 6 hli xyoo no xwb. Nws kuj tuav txoj hauj lwm ua tus pwm tsav fab kev ua liaj ua teb thiab. 
Fis Lis Pees teb kuj tseem yog ib lub teb chaws uas tsis tshua muaj txhiam xws noj txaus, vim tsoom pej xeem 20 plhom leej yog cov neeg pluag txom nyem. Fis Lis Pees teb tsoom pej xeem muaj tas nrho 110 plhom leej. 
Hnub txhiam xws noj nyob ntiaj teb, mas lub Koom Haum saib xyuas txhiam xws noj thiab kev ua liaj ua teb ntawm lub Leej Haum Kuj (FAO) tau thov kom “tsis txhob tso ib tug tseg rov tom qab”, nyob hauv lub caij uas muaj neeg 10 tawm plhom leej tab tom raug kev tshaib nqhis tsis muaj txhiam xws noj, vim tus kab mob sib kis, kev sib txeeb thiab kev pauv ntxeev ntawm huab cua, kev nce tus nqi toob xib thiab txhiam xws noj. 
Raws kev soj ntsuam ntawm lub Leej Haum Kuj pom tias muaj ze ntawm 3,100 plhom leej neeg uas lawv tsis muaj txhiam xws txaus noj thiab lawv lub neej poob qab zuj zus. 
Nyob Fis Lis Pees teb, mas cov nom tswv ntxhov siab txog tsam tsis muaj txhiam xws txaus noj lub zim txwv no thiab yav tom ntej, vim huab cua pauv ntxeev thiab muaj dej nyab sai, ntuj qhuav sai.