UA YAM KOJ XAV UA

Ua yam uas koj xav ua. Niaj hnub no peb muaj cov tuam tsev siab dua qub tuaj, tab sis lub siab ua tiag nyiaj ntawm peb luv zuj zus. Peb muaj tej lub tsev loj thiab dav, tab sis peb yim neeg tsawg zuj zus. Peb muaj tshuaj zoo kho neeg tshiab tshiab ntau dua qub, tab sis peb lub cev ntaug zuj zus. Peb muaj kev sib hlub tsawg dua qub, tab sis kev sib ntxub muaj ntau zuj zus. Peb mus txog saum lub hli los, tab sis peb yuav taug kev mus nrog ib tug neeg twg tham tsis yooj yim. Peb mus txog nruab huab nruab ntug los, tab sis hauv neeg lub siab peb tsis tuaj yeem nkag mus kov tau. Peb kev lag luam nplua nuj, tab sis kev ncaj ncees thaub qab zuj zus. Peb muaj zaub mov zoo noj ntau, tab sis peb lub cev qaug zog zuj zus. Niaj hnub no txhua yim neeg muaj tshaj 2 tug neeg txawj khwv nyiaj, tab sis kev sib nrauj muaj ntau zuj zus. 
Vim li ntawd, ntxiv no mus thov kom peb txhob khaws tej yam zoo zoo tseg, es peb yuav tos lub zoo sij hawm. Vim lub sij hawm uas peb tseem muaj txoj sia nyob no, yog lub sij hawm uas zoo tshaj plaws lawm. Peb yuav nrhiav kev txawj kev ntse, peb yuav zaum ntawm tog tsev qhuas txog txhua yam uas muaj txoj sia, txhob quav ntsej txog txoj kev ntshaw. Peb yuav siv sij hawm rau peb tse neeg, peb tej phooj ywg thiab tus neeg peb hlub kom ntau dua qub. Noj haus kom txaus, xav mus qhov twg los mus kom txhua, vim txoj sia zoo li ib txoj saw khi lub sij hawm muaj nqis nrog peb nyob xwb. Peb tsis yog nyob kom dim, peb yuav muab peb cov khob iav los siv, muab peb cov tshuaj tsw qab los siv, peb yuav nco ntsoov tias muaj ib hnub twg peb yuav hais rau sawv daws tias : peb nyiam sawv daws npaum cas ! 
Txhob muab hnub no los hloov tag kis, txawm peb yuav ua dab tsi kuj xij, thov kom peb muaj kev sov siab. Ua txhua fiab, txhua feeb thiab txhua teev kom lub sij hawm muaj nuj nqis. Vim peb tsis paub tias hnub twg yog hnub peb txoj sia tu.