VIM QOOB LOO TSIS ZOO, CES TEHRAN YUAV TXAIS MOV MOG NTAWM TXAWV TEB CHAWS TUAJ NTAU TSHAJ PLAWS

Monday, November 08, 2021

Yog vim xav kom tau raws siab xav, ces Tehran thiaj yuav 8 plhom TON mov mog ntawm txawv teb chaws tuaj. Txawm li cas kuj xij, kev txais yuav mov mog zaum no kuj yog vim nqi xa thiab txhua yam kim tuaj lawm. Tsis tas li ntawd, nyiaj kuj tsis muaj nqis lawm thiab kev lag luam raug tseem hwv As Mes Lis Kas txiav tu tas. Vam tias cov mov mog no yuav pab tau cov tub rog me ntsis thiab tau raws kev xav ntawm lub teb chaws mus txog lub 3 hlis lwm xyoo.

Nyob hauv 5 xyoos dhau los, tseem hwv Tehran yuav mov mog ntawm txawv teb chaws li 1 plhom TON xwb, tab sis xyoo no kev cog mov mog nyob Tehran teb poob qis li ntawm 30 feem pua. Yog vim lub ntuj qhuav tshaj txhia xyoo nyob hauv 50 xyoo dhau los. Thiaj ua rau Tehran yuav tsum yuav mov mog ntawm txawv teb chaws ntau dua qub. Cov tseem hwv As Mes Lis Kas hais tias : txhiam xws noj thiab tshuaj tsis yog nyob hauv qhov uas lawv txiav kev lag luam. Txawm li cas kuj xij, ntiaj teb lub tuam txhab ceev nyiaj kuj xyuam xim txog kev qiv nyiaj ntawm txawv teb chaws thiab kev lag luam nrog cov teb chaws xib fab nyuab zuj zus txij xyoo 2017 txog 2020. Ua rau Is Laas kev lag luam poob lawm yuav luag txog 60 feem pua.