WHO ceeb toom txog Xws Nas Mib (Tsunami) Covid-19

Tus tuam thawj ntawm WHO (World Health Organization) hais tias : kev sib sau los ua ke ntawm tus kab mob Virus Delta thiab tus kab mob Omicron ua kom muaj Xws Nas Mib nyob hauv tus kab mob COVID-19, ces ntshai tsam nws yuav ua teeb meem loj rau fab kev noj qab nyob zoo ntawm tib neeg lub cev.

Vim tias nyob hauv 7 hnub dhau los no xwb, cov neeg mob COVID-19 nyob thoob ntiaj teb nce siab heev. Muaj qee lub teb chaws muaj cov neeg mob COVID-19 coob yam txaus ntshai thiab tsis tau muaj los dua li.

Raws kev tshawb fawb pom tias tus kab mob Omicron tsis txaus ntshai li cov kab mob xub tshwm sim tag los. Tab sis cov neeg mob Omicron yuav ua kom ntau lub teb chaws tsis muaj tsev kho mob txaus cov neeg mob pw.

Fab Kis tus pwm tsav fab kev noj qab haus huv hais tias : tam sim no Fab Kis teb tab tom sib kis kab mob loj heev, ces yog ib yam ua rau mob taub hau kawg. Vim tias cov neeg mob COVID-19 muaj coob zuj zus, ib hnub li ntawm 208,000 leej nyob Fab Kis teb. As Mes Lis Kas teb, Aas Kiv teb, Is Tas Lias teb, Xyis Pas Yas teb, Aus Thas Lias teb thiab As Zees Tis Nas teb kuj yog cov teb chaws uas niaj hnub kis kab mob coob kawg nyob hauv lub lis piam no.

Tus tuam thawj ntawm WHO hais tias : hais txog kev nkaug Vaccine nyob hauv cov teb chaws nplua nuj, mas pom tau tias tus kab mob yuav sib kis loj dua cov teb chaws pluag txom nyem. Vim lawv xav tias lawv nplua nuj thiab muaj kev tiv thaiv txaus lawm, ces lawv tau txais Vaccine tsawg dua cov teb chaws pluag txom nyem.