As Xias teb ntes cov tub xov xwm kaw nkuaj coob tshaj plaws nyob hauv xyoo 2022

As Xias teb tau ua ib lub npe nto hais txog kev tsis zoo ntawm cov tub xov xwm kev thaj yeeb, uas yog ib xeev ntuj nyob hauv ntiaj teb no. Vim As Xias teb kaw cov tub xov xwm coob tshaj plaws . Xyoo no tseem coob dua tsaib no lawm thiab. Kev ntes thiab kaw cov tub xov xwm thoob ntiaj teb, yog nthuav tawm los ntawm cov neeg txuag tub xov xwm (CPJ).

Nyob thoob ntiaj teb muaj cov tub xov xwm raug kaw nkuaj li ntawm 363 leeg, pom tias xyoo no muaj coob tshaj tsaib no lawm. Nyob hauv cov tub xov xwm raug kaw, muaj 119 leeg raug ntes kaw nyob As Xias. Yam li Suav teb, Mias Mas teb thiab Nyab Laj teb. Cov teb chaws no yog cov muaj kev cheb ntxuav thiab ntes cov tub xov xwm. Cov tseem hwv hauv cov teb chaws no txhab lub txim rau kev tshaj xov xwm ywj siab ua 2 npaug. Lawv siv tej lub tswv yim lim hiam los rhuav tshem kev twj lij ntawm cov tub xov xwm. 

Iran kaw cov tub xov xwm 62 leeg, nyob hauv cov raug kaw muaj 22 leeg yog poj niam. Yog tus zauv siab tshaj plaws nyob rau zim txwv no. Lub teb chaws uas hiam cov tub xov xwm heev tshaj yog Suav teb. Tsaib no cov tub xov xwm raug ntes kaw yog 43 leeg, raws CPJ tshaj tawm. Xyoo 2021 muaj 48 leej tub xov xwm raug ntes kaw. Tim 3 yog Mias Mas teb, vim cov tub xov xwm raug ntes kaw yog 42 leeg, tsaib no yog 30 leej xwb. Txuas ntxiv los yog Tws Kis teb, tsaib no Tws Kis teb cov tub xov xwm raug ntes kaw yog 18 leej, tab sis xyoo no yog 40 leej lawm. Coob dua tsaib no lawm 2 npaug. Feem coob cov tub xov xwm raug ntes kaw yog haiv neeg Kurds.