Xim Ceej Pheem kiam cov poj niam uas ua rau tsoom pej xeem tsawg zuj zus, tab sis qhov tseeb tiag yog coob tuaj

Tus Txoov Tim Tswv Suav txoj kev ua kom cov neeg yug los coob tuaj, nws tab tom saib cov poj niam tias vim li cas kev yug me nyuam ho tsawg dua qub. Yog los ntawm tseem hwv Suav txoj cai pub yug ib tug me nyuam thiab kev lag luam nyob Suav teb zim txwv no, thiab kev pauv ntxeev ntawm cov tub ntxhais hluas txheej tshiab. 

Tus Txoov Tim Tswv Xim Ceej Pheem hais nyob hauv lub rooj sab laj lub Koom Haum poj niam nyob Suav teb (Acwf), nws hais tias : tsim nyog yuav qhia kom cov poj niam muaj feem cuam txog kev txuag Suav tej kab lis kev cai. Nws qhia txog lub tswv yim zoo nyob hauv cov poj niam hais tias : tsis yog yuav txhim kho yus tiag tug xwb, yuav tsum muaj kev sib haum xeeb nyob hauv tsev neeg thiab tej pab neeg mus nrog rau kev vam meej hauv lub teb chaws thiab. 

Raws tus Txoov Tim Tswv Xim cov lus hauv lub rooj sab laj ACWF, nws tsis yog qhov uas hmoov zoo uas lam hais. Lub hom phiaj ntawm lub Koom Haum uas txhim tsa nyob hauv xyoo 1949 thiab nyob hauv qab kev tswj hwm ntawm cov tseem hwv koom tshaj, yog tus sawv cev thiab pab txuag poj niam txoj cai, txhawb nqa kev muaj vaj huam sib luag ntawm cov poj niam thiab txiv neej, thiab txhim kho cov poj niam txhua fab. 

Xyoo 2002 yog thawj zaug nyob hauv 60 xyoo uas tseem hwv Suav muaj kev sau cim txog tsoom pej xeem tsawg lawm 1,000 plhom leej, nyob hauv tas tsoom pej xeem Suav 1,412 plhom leej. Tab sis xyoo 2021, tsoom pej xeem yog 1,411 plhom leej lawm xwb. Qhov uas tsoom pej xeem tsawg tuaj, yog los ntawm cov neeg laus coob thiab kev muaj me nyuam tsawg nyob hauv lub teb chaws. Tau hloov txoj cai kheev muaj 3 tug me nyuam hauv xyoo 1976 los ua ib leeg nyob hauv xyoo 2015. Ces pom meej tias kev muaj me nyuam ib leeg ua teeb meem rau kev huam vam ntawm tsoom pej xeem. Raws kev txheeb mej hwm ntawm Suav teb uas tshaj tawm lub 5 hlis xyoo 2020, hais tias Suav muaj teeb meem txog kev sib ua niam txiv loj kawg. Cov txiv neej coob dua cov poj niam lawm 34 plhom 900 tawm txhiab leej.