Yuav tsis muaj cov nkauj nyab hnub nyoog mos nyob Ganjam thiab Odisha ntxiv lawm

No more child brides in Odisha’s Ganjam district (Indiamastermanind photo)

Thursday, January 27, 2022

Nyob hauv lub nroog Ganjam uas yog ib cheeb tsam hauv lub xeev Os Lis Xam nyob Is Ntias teb, cov tseem hwv hais tias lawv tau hais yeej hais txog cov nyab hnub nyoog mos lawm. Tab txawm yog ib qho txhaum cai, tsis kav tsoom pej xeem kuj tseem nyiag ua kom muaj coob zuj zus tuaj. Thiab lub nroog Ganjam yuav yog lub nroog uas muaj kev sib yuav pub dawb kom tiav raws li tseem hwv lub hom phiaj.

Tej yam no tseem ceeb heev, vim raws li kev soj ntsuam tib neeg lub cev ntawm cov yim neeg hauv xyoo 2020-2021 nyob hauv lub nroog Ganjam, pom tias cov muaj hnub nyoog li ntawm 20 txog 24 xyoos 22 feem pua hais tias lawv yuav txiv ua ntej lawv tsis tau txog 18 xyoo. Lub nroog Ganjam muaj pej xeem 3.5 plhom leej.

Raws kev tshaj tawm ntawm cov nom hauv zej zog, mas cov ntxhais hluas hnub nyoog mos sib yuav raug txwv lawm 228 zaug nyob hauv xyoo 2020 thiab 2021 raug txwv lawm 201 zaug. Yog leej twg pom cov ntxhais hnub nyoog mos yuav txiv thiab nws hais qhia cov nom tswv, nws yuav tau txais 5,000 Rupee ua paj tshab rau nws.

Hais txog cov teeb meem nyob Ganjam tshwm sim lub caij muaj kab mob sib kis thiab ces ua rau cov ntxhais hluas nkauj hnub nyoog mos nyob Is Ntias teb poob siab heev. Tsis ntev los no tus Txoov Tim Tswv Modi tau tawm txoj cai kav lub nyoog ntawm cov ntxhais xav yuav txiv, mas hnub nyoog yuav tsum muaj 21 xyoos mam pub yuav. Tam sim no cov nom sawv pej xeem cev 31 leeg tab tom tuav xam hais txog cov txiv neej lub hnub nyoog yuav poj niam, seb lawv yuav txiav txoj cai li cas rau cov txiv neej.