FAIB RAU LWM TUS CES NTUJ YUAV TXHAB RAU KOJ

Tim 25 lub 7 hli 2021, Vaj Qhia rov tawm tuaj nthuav Ntawv Moo Zoo rau cov ntseeg raws kab ke Tus Tshiab Xa Xov txog lub ntsiab hauv lo lus tias pub rau lwm tus thiab Tswv Ntuj txoj kev hu peb ib tug rau ib tug los pab peb cov kwv tij nkauj muam.

Ntawv Moo Zoo hauv Lis Piam 17 Caij Nruab Xyoos yog piav txog Huab Tais Yes Xus ua kom 5 lub ncuav mov thiab 2 tug ntses ntsu tuaj txaus tsoom sid noj. Vaj Qhia hais tias peb yuav pom tias Huab Tais Yes Xus ua kom cov mov thiab ntses uas yog tus me nyuam yaus li, ntsu tuaj.

Tus me nyuam yaus pub cov txhiam xws nws muaj tag nrho rau Huab Tais Yes Xus muab faib rau sawv daws noj, txawm tias yog 5 lub ncuav thiab 2 tug ntses xwb. Tiam sis yuav ua tsaug rau yam me me, tus me nyuam no muab cev rau Huab Tais Yes Xus, mas sawv daws thiaj tau noj tsau.

Peb kawm tau hauv zaj no tias Huab Tais Tswv Ntuj ua dab tsi tau tas nrho, nyob hauv yam me me peb cev rau nws.

Peb yuav rov nug peb tas mus lu li tias ‘hnub no kuv yuav muab dab tsi cev rau Huab Tais Yes Xus.’

Peb yuav nco ntsoov tias Huab Tais Yes Xus ua txhua yam tau nyob hauv kev thov Ntuj, kev hlub tshua thiab cev peb kev txom nyem rau nws.

Vaj Qhia hais ntxiv tias cov Yaj Saub txhua tus thiab niam Mab Liab ua tus piv txwv txog kev pub yam yus muaj rau lwm tus.

Tib neeg nyiam khaws yam yus muaj cia thiab nrhiav txhab ntxiv kom haj yam ntau tuaj, tiam sis Huab Tais Yes Xus nyiam pub yam nws muaj rau lwm tus, txawm tias yog ib yam me me xwb los xij. Yam no yog kev pub thiab faib rau lwm tus nyob hauv kev nyiam thiab txaus siab rau Huab Tais Tswv Ntuj los ua hwj huam nyob hauv peb.

Vaj Qhia kom sawv daws thim xav tias yog peb tsis faib yam peb muaj rau lwm tus, mas peb yuav pom tej xwv txheej txaus tu siab, xws li kev tshaib plab tau thau cov me nyuam hnub nyoog qis dua 5 xyoos rov hauv, lawv txoj sia nyob hauv txhua hnub.

Yog li no mas Huab Tais Tswv Ntuj thiaj hu peb kom ‘muaj cuab kav pub yam me me peb muaj, tsis hais laj lim plab plaws, cuab tam.’

“Koj pub rau lwm tus, koj faib rau luag, ces Tswv Ntuj yuav txhab rau koj.”