HUAB TAIS YES XUS NCE MUS SAUM NTUJ YOG XWM QHIA TIAS HUAB TAIS YES XUS NROG PEB NYOB

"Peb yuav nco ntsoov Huab Tais Yes Xus lo lus nws hais rau lawv tias :
Hos kuv, mas kuv niaj hnub nrog nej nyob mus txog lub zim txwv ntiaj teb kawg."
-Vaj Qhia Fas Ntshis Kus-
24/5/2020

Nyob hauv Hnub Chiv tim 24 lub 5 hlis tas los no yog Hnub Nyoog Yes Xus Nce Mus Saum Ntuj, yog hnub qhia tsoom ntseeg sawv daws tias Huab Tais Yes Xus nyob nraim hauv peb.
Vaj Qhia nthuav txog Huab Tais Yes Xus cov lus kawg uas nws hais rau cov Thwj Tim raws li Mas Tais sau tseg (MT 28:16-20) mas yog kom cov Thwj Tim mus ua lub Ci Ntxuav thiab qhia ntiaj teb neeg taug Huab Tais Yes Xus tus lwj lwm.
Vaj Qhia hais ntxiv tias lub Moo Zoo yog kom cov ntseeg ua tim khawv tias ua cas lawv ho ntseeg. “Peb yuav ntshai xws li cov Thwj Tim tau ntshai, tiam sis peb txhob ua siab me, peb yuav nco ntsoov Huab Tais Yes Xus lo lus nws hais rau lawv tias : Hos kuv, mas kuv niaj hnub nrog nej nyob mus txog lub zim txwv ntiaj teb kawg.”
Huab Tais Yes Xus cog lus rau peb tias nws yuav nrog peb nyob mus li, yog xa Leej Ntuj Plig Ntshiab los nyob hauv peb.
Tus Plig ntawd yog Leej Pleev thiab Leej Txiv xa los daws peb cov txhaum thiab ntxuav cov neeg hloov siab tshiab kom lawv tso siab rau Ntuj txiaj ntsim.
Yog li nyob hauv Hnub Nyoog Yes Xus Nce Mus Saum Ntuj thiaj yog xwm qhia peb tias txawm tias Huab Tais Yes Xus nce mus saum Ntuj, zaum ntawm Leej Txiv phab xis lawm los, nws tseem nrog peb nyob mus li. Li ntawd peb thiaj muaj zog, nyiaj ntxeem, thiab xyiv fab.
Kawg no, Vaj Qhia kom peb thov niam Mab Liab nrog peb taug txoj kev no ua ke, kom peb xyaum yoog niam Mab Liab tus yam ntxwv tsis muab hlob thiab muaj cuab kav ua tim khawv txog Huab Tais Yes Xus txoj kev sawv rov los.
Vam txog : Vaticannews.va/en
Tus txhais : Txawj Tsav Meej Mom Lauj, Zoo Tswv Zov Yaj