KUB SIAB TSHAJ LUB MOO ZOO TXAWM TIAS TSIS MUS RAWS LI SIAB XAV

Nyob hauv tim 23 lub 6 hli xyoo 2021, Hnub Plaub hauv lis piam no, Vaj Qhia pib qhia kev ntseeg zaj tshiab raws li cov lus hauv tsab ntawv Paj Lug sau mus rau cov ntseeg hauv Nkas Las Tias.

Nyob hauv Paj Lug tsab ntawv, Paj Lug sau piav txog nws lub neej tias yog tim li cas nws thiaj hloov siab tshiab thiab vim li cas nws thiaj txiav siab muab tas nrho nws lub neej los ua Leej Pleev tus tub txib. Dua li, Paj Lug tau sau hais txog kev twj lij, txiaj ntsim, thiab txoj kev ua ib tug neeg ntseeg txog Yes Xus.

Vaj Qhia hais tias tsab ntawv no yog ib tsab ntawv tseem ceeb qhia kom peb paub txog tus Hauv Paus Xa Lus Paj Lug thiab tshwj xeeb tshaj mas yog tsom rau peb pom txog yam zoo nkauj hauv lub Moo Zoo.

Yam zoo nkauj tshaj plaws yog Paj Lug mus tsham cov ntseeg nyob hauv nws txoj kab xwm tshaj Ntuj Lus, yam no yog ‘txoj hauj lwm loj tas nrho hauv kev tshaj lub Moo Zoo’.

Nyob hauv tsab ntawv, qhia tias Paj Lug tau ib tug kab mob thaum nws tuaj tshaj lub Moo Zoo hauv Nkas Las Tias. Dua li ntawd, Lus Kas kuj tau sau txog thaum lawv mus tshaj Ntuj Lus hauv ib cheeb tsam no tias “Paj Lug lawv hla lub teb chaws Fis Zias thiab xeev ntuj Nkas Las Tias, vim Leej Ntuj Plig tsis kheev lawv tshaj ntuj Lo Lus nyob As Xias teb.” (HL16:6)

Vaj Qhia Fas Ntshis Kus txhab ntxiv tias ob lo lus no tsis yog sib cov nyom vim txoj kev tshaj lub Moo Zoo tsis yog ib yam yuav ua raws li peb npaj tseg cia xwb, tiam sis kev tshaj lub Moo Zoo xav kom peb txaus siab ua raws li lwm txoj hau kev peb tsis tau npaj tseg cia thiab.

Qhov peb pom, yog tias cov Hauv Paus Xa Lus kub siab tshaj lub Moo Zoo tsis tseg, mas thiaj muaj tej pawg ntseeg nyob thoob xeev ntuj Nkas Las Tias.

Vaj Qhia xav kom tsoom ntseeg ras txog Paj Lug kev ntxhov siab vim muaj cov ntseeg ib txhia pib qhia txoj cai txawv li Paj Lug tau qhia.

Lawv hais tias pej kug neeg tsum txais kab ke txiav raws Mais Xes txoj cai tso, lawv thiaj yuav hloov siab tshiab tau, cov neeg hauv xeev ntuj Nkas Las Tias tsum tso lawv tej kab lis kev cai tseg thiab tig los yuav haiv Yus Das cov kab lis kev cai. Lawv tseem hais tias Paj Lug yog ib tug thwj tim cuav xwb, tsis muaj cai yuav qhia lub Moo Zoo tau rau lwm tus.

Vaj Qhia hais tias yog peb yog cov ntseeg hauv Nkas Las Tias, mas peb yuav xav li cas. Peb lub siab xav tsis thoob, peb yuav ua xyem xyav puas yog?

Nyob hauv peb tiam neeg no los peb yuav pom tias muaj ib cov Leej Choj cuav tshwm tuaj, lawv hais tias lawv yog cov ‘txuag qhov tseeb’ hais txog kev ua ib tug neeg ntseeg. Ua cas lawv tsis muab lub sij hawm lawv niaj hnub tshaj li ntawd los tshaj txog Leej Pleev lub Moo Zoo.

Lawv hais tias lawv qhov thiaj yog kev ntseeg txog Yes Xus tiag, lawv hais tias txoj kev ntseeg txog Yes Xus tseeb tiag mas yog ntseeg xws li cov ntseeg hauv Huab Tais Yes Xus tiam, lawv hais tias neeg yuav daws tej xwv txheej niaj hnub nyem no tau mas yog tsum rov mus coj raws txoj cai li qub.

Vaj Qhia taw kev rau tsoom ntseeg tias Paj Lug tsab ntawv sau mus rau cov ntseeg hauv Nkas Las Tias no, yuav pab kom peb nkag siab tias peb yuav tshais ruam mus li cas, peb yuav taug txoj kev twg.

“Peb tsum taug Huab Tais Yes Xus txoj kev cawm neeg, raug ntsia saum Ntoo Cuam thiab sawv hauv qhov tuag rov los.”

“Taug txoj kev no tau, yog peb coj tus yam ntxwv nyiam ua neeg me thiab nyiam peb cov kwv tij; txoj kev no yog txoj kev tso siab thiab ntseeg tias Leej Ntuj Plig Ntshiab ua nws txoj hauj lwm nyob hauv tsoom ntseeg txhua tiam.”