MAB LIAB UA PIV TXWV RAU PEB

Tim 18 lub 11 hlis 2020 no, Vaj Qhia Fas Ntshis Kus hais rau sawv daws tias “Hnub no peb ntsib niam Mab Liab tus poj niam nyiam thov Ntuj.”

Vaj Qhia hais tias peb paub tais thaum Mab Liab muaj Yes Xus rau hauv plab mas nws tau txiaj ntsim puv siab thiab nws yog ib tus nkauj ntshiab. Dhau ntawd, peb kuj paub tias Mab Liab yog ib tug neeg nyiam ua neeg me ua rau Tswv Ntuj siab nyiam.

Niam Mab Liab tos rhwv txog Tswv Ntuj los coj nws txoj kev thiab npaj nws kom ntshiab huv tos Tswv Ntuj.

Vaj Qhia hais ntxiv tias niam Mab Liab tab tom thov Ntuj thaum tus Tshiab Nkas Nplias xa xov tuaj rau nws. Mab Liab hnov tus Tshiab hu nws, nws teb tias kuv nyob nov. Mab Liab lo lus teb ua rau txhuav tsav txhua yam dhia hom khaj.

“Nyob hauv Tswv Ntuj txoj kev cawm neeg, mas kev tso siab mloog Tswv Ntuj Lo Lus yog yam muaj qab hau tshaj plaws.” Vaj Qhia pib ntuas, “Zoo tshaj plaws yog qhib siab dav thaum tab tom thov Ntuj li no : Huab Tais, Koj xav tau dab tsi ntawm kuv, koj xav tau kuv thaum twg, thiab koj xav kom kuv ua li cas.”

“Yog peb cov ntseeg qhib siab dav li no, mas peb yuav tsis tu siab thaum peb ntsib xwv txheej. Vim peb yuav paub tias nyob hauv cov xwv txheej ntawd, peb yuav yog Tswv Ntuj li cuab yeej tawm tsam qhov teeb meem ntawd.”

Vaj Qhia kom peb saib niam Mab Liab tus piv txwv thaum nws ntsib xwv txheej raug nws siab, niam Mab Liab ntxhov siab thiab poob rau kev txom nyem txij thaum nws xeeb Yes Xus mus txog hnub Huab Tais Yes Xus rov qab sawv rov los. Tab sis niam Mab Liab zoo siab txais thiab thov Ntuj tsis tseg.

“Yog peb nkag siab tias txhua txhia hnub hauv peb yog Tswv Ntuj tab tom hu peb, ces peb lub siab yuav dav tuaj thiab zoo siab txais txhua txhia yam tuaj npav peb.”

Vaj Qhia xav kom sawv daws nkag siab tias Tswv Ntuj xav kom peb yoog raws niam Mab Liab, Vaj Qhia thiaj hais xaus tias “Ntawv Moo Zoo tsis sau txog niam Mab Liab ntau pes tsawg, tab sis thaum twg Ntawv Moo Zoo xav piav txog tej xwm tseem ceeb mas peb yuav pom tias niam Mab Liab nyob nrog Huab Tais Yes Xus. Kom niam Mab Liab pom tej xwm ntawd thiab zoo siab txais tej xwm mob nws siab ntawd.”