Npes Nes Dis 16 yog tus kws xib hwj loj qhia txog Ntuj kev cai

Vaj Qhia Fas Ntshis Kus pib hais rau sawv daws tias “Kuv xav kom peb sawv daws koom siab hwm Txiv Vaj Qhia Npes Nes Dis 16 ua ke, thiab tig kuv lub tswv yim mus rau nws, tus xib hwb loj hauv kev qhia Ntuj kev cai. Nws lub tswv yim ntse thiab lub tswv yim tus tsis tau rov ua pov thawj txog nws xwb, tab sis yog ua pov thawj txog cov kws leej choj, vim tias nws xav coj peb ua ke mus pom Huab Tais Yes Xus. Yes Xus tus dai saum Ntoo Cuam thiab sawv rov qab los, tus muaj ib txoj sia thiab yog Huab Tais, yog lub chaw xaus uas Vaj Qhia Npes Nes Dis 16 coj peb kev mus, nws tuav rawv peb tes cia. Yog li mas thov nws pab peb kom rov ntsib kev xyiv fab hauv Leej Pleev nyob hauv yam peb ntseeg thiab kev vam khom hauv lub neej.”

Rov tham txog cov lus qhia hais txog kev ntsuas kom pom (discernment) mas Vaj Qhia Fas Ntshis Kus hais tias yog tus txheej txheem hauv kev tau txais kev nkag siab txog Huab Tais lub suab hais lus rau peb nyob hauv peb lub neej. Ib yam yuav pab tau peb nyob hauv tus txheej txheem no mas yog ‘kev ua ke hauv sab ntsuj plig’ (spiritual accompaniment). Yam no yog yam Vaj Qhia ntsia pom tias tseem ceeb rau peb.

Vaj Qhia Fas Ntshis Kus nthuav tias Tswv Ntuj lub txiaj ntsim hauv peb muaj feem rau peb, yog li thiaj tsim nyog peb yuav tsis txhob ua xyem xyav ntshai tsam luag tej yuav txiav rau peb thaum peb nthuav peb qhov muag mluas (fragile) los yog nyias ntsais (sensitive) tawm los.

Vaj Qhia hais txhab ntxiv tias tos hais zoo li ntawd, vim tias qhov muag mluas muaj peev xwm ua tau peb qhov nplua nuj tiag (true richness) yog peb muab cev rau Tswv Ntuj, ces peb qhov muag mluas yuav ua kom peb lub siab mos (tenderness), khuv leej (mercy), thiab nyiam neeg (love).

Yog tias peb kev ua ke hauv sab ntsuj plig seej rau Leej Ntuj Plig Ntshiab, mas yuav pab kom peb to taub qhov tseeb hauv tej yam peb tau nkag siab yuam kev.

Vaj Qhia hais ntxiv tias yam hauv sab ntsuj plig peb pub rau lwm tus yog hais txog Leej Ntuj Plig ua hauj lwm hauv peb nruab siab thiab ntsib peb qhov muag mluas, ces tau pab rub peb kom los nyob ze Huab Tais, tus yeem muab nws tus kheej los ua nqe txhiv peb.

Vaj Qhia hais ntxiv tias ntau zaus peb muaj peev xwm ntsuas los yog xam pom txoj kev tseeb hauv peb txoj sia thiab cov hauj lwm Tswv Ntuj lub txiaj ntsim ua nyob hauv peb nruab siab. Vaj Qhia nco tseg tias thaum peb nyeem Yes Xus lub Moo Zoo mas peb pom tias muaj ntau tus neeg qhib siab txais Huab Tais Yes Xus thiab lawv tau txais kev khuv leej thiab kev daws txhaum ntawm Huab Tais Yes Xus.

Kev ua ke hauv sab ntsuj plig tseem tsom txog kev sib koom taug tib txog kev kom tau mus txog qhov zoo txhij, vim tias peb sawv daws koom Leej Pleev tib lub cev, peb yog Leej Txiv cov tub cov ntxhais thiab peb sib faib Leej Ntuj Plig txoj sia.

Niam Mab Liab yog tus qhia peb kom txawj nstuas kom pom meej, yog li thaum peb ntsia niam Mab Liab tus coj peb mus cuag Huab Tais Yes Xus, tus hais kom peb ua siab loj txhob ntshai, tiam sis kom peb tso siab rau Huab Tais Yes Xus thiab tso siab rau Huab Tais Yes Xus cov lus muaj txoj sia nyob mus li.

Vaj Qhia ntxiv ob peb lo lus tias tus txheej txheem no yuav pab tau peb ntsib lwm txoj kev soj kev ntsuam peb tus kheej tshiab kom pom tias kev zoo lub cim yeej ib txwm muaj nyob hauv peb, thiab yuav pab tau peb kom yeej lub tswv yim cab peb mus poob rau qhov qis qhov tsis zoo.

Ib yam tseem ceeb ntxiv mas yog peb tsum koom ua ib feem nrog peb pab pawg taug kev mus ua ke, tsis txhob ua tiag mus ib leeg xwb.

Ua ntej yuav foom lus zoo rau sawv daws, Vaj Qhia Fas Ntshis Kus xav kom peb ua tiag nyob ze thiab thooj siab koom ntsws nrog tsoom sid ntsib kev txom nyem hauv Us Nkas Zis Nas teb (Ukraine), kom peb nco tias lawv raug txom nyem loj npaum cas thiab thov Tswv Ntuj pub kev thaj yeeb lub paj tshab rau lawv. Thov kom peb sawv daws txhob ceeb laj thov Ntuj pub rau lawv, tshwj xeeb mas yog thov Ntuj rau cov me nyuam.

Vam txog: https://www.vaticannews.va/en/pope/news/2023-01/pope-audience-remembers-benedict-xvi-great-master-catechesis.html