NTSEEG TXOG KEV SAWV ROV LOS, CES PEB TSIS NTSHAI KEV TUAG

Hnub tim 9 lub 2 hlis tas los no. Vaj Qhia Fas Ntshis Kus nco txog Leej Ntshiab Yos Xes tus pov hwm cov neeg yuav tuag, ces Vaj Qhia ntuas cov ntseeg kom txhob ntxhov siab thaum txog lub caij tuag vim lawv ntseeg txog leej neeg lub cev kev sawv rov los.

Ib txwm los peb hais tias kev tuag yog qhov zoo, tab sis txij thaum muaj kab mob sib kis ri puv ntiaj teb ua rau muaj coob leej ntau tus tuag yam ntsiag to, tsis muaj tus tuaj nyob ib sab thaum nws txoj siav tu. Yog li kev tuag thiaj yog qhov hnyav kawg uas neeg yuav lees txais tau.

Vaj Qhia hais tias muaj ib yam yuav pab kom peb muaj cuab kav tim ntsej nrog txoj kev tuag. Yam ntawd yog peb ntseeg txog leej neeg lub cev kev sawv rov los, vim Leej Pleev twb ua piv txwv txog kev sawv hauv cov tub tuag rov los lawm.

Vaj Qhia ntuas ntxiv tias vim muaj ib hnub peb yuav tsum tau tso ntiaj teb no tseg, mas peb txhob nrhiav cuab tam cia; yam peb yuav nrhiav khaws tseg cia thaum tseem muaj txoj sia yog lub siab nyiam tsim koob hmoov, faib yam peb muaj rau cov pluag.

Ntawv Moo Zoo hais tias txoj kev tuag yuav tuaj nphav peb xws li ib tug tub sab, peb tsis paub lub caij, niaj hnub peb yuav ua neeg xyuam xim.

Peb yuav nrog tej kwv tij sib cav sib ceg ua tus dab tsi. Yuav zoo dua yog tias thaum peb tuag peb tsis muaj kev tu siab thiab tsis ntxhov siab.

Muaj 2 yam Vaj Qhia xav hais los ntuas sawv daws: peb tsis muaj peev xwm maim dhau txoj kev tuag, peb yuav xaiv kom tau tuag zoo.

Yog li cov neeg tseem ua neej nyob thiaj yuav saib xyuas cov neeg mob kom zoo, muab siab tu lawv.

“Peb nrog lawv mus hauv txoj kev tuag tab sis peb yuav tsis txhob txhim txoj kev tuag los pab txhawb kom lwm tus tuag. Vim txoj sia yog neeg li cai.”

Vaj Qhia thov Leej Ntshiab Yos Xes tus pov hwm cov neeg yuav txog lub caij tso ntiaj teb no tseg, pab peb coj lub neej kom zoo tshaj plaws ua ntej peb yuav pom kev tuag. Tsis tag li ntawd, Vaj Qhia thov kom sawv daws koom siab hais zaj ‘Koj nyob kaj lug Mab Liab’ pub rau cov neeg tuag thiab cov ntsib xwv txheej sawv daws vim tias cov lus hauv zaj no yog peb hais tias “Leej Ntshiab Mab Liab Tswv Ntuj Leej Niam, koj thov Ntuj hlub peb cov neeg txhaum nyem no mus txog peb lub caij dua. Ua li.”