TSWV NTUJ MLOOG KOJ LO LUS THOV

Hnub Plaub lis piam 8 Caij Nruab Xyoos xyoo no Vaj Qhia tseem qhia txog kev thov Ntuj rau ib zeej tsoom. Hnub no Vaj Qhia hais tias ntau zaus peb pom tias Tswv Ntuj tsis teb peb lo lus thov Ntuj, txhob tu siab, muaj ib hnub Tswv Ntuj yuav teb rau peb xwb.

“Muaj kev sib cov nyom nyob hauv peb lub tswv yim vim peb niaj hnub tsa suab thov tiam sis zoo li peb cov lus thov ntawd nrov tsis txog Tswv Ntuj pob ntseg, Tswv Ntuj thiaj tsis pub raws li peb tau thov.” Vaj Qhia Fas Ntshis Kus pib hais rau sawv daws, “Peb thov rau peb los yog thov Ntuj rau lwm tus.”

Vaj Qhia ntuas tias “Yog peb thov vim peb hwm lwm tus, xws li thov Ntuj ntxuav cov neeg mob kom zoo los yog thov kom tshem tej tsov rog pov tseg, mas yog tsis muaj raws li peb thov kuj yuav zoo li yog ib yam txaus txaj muag.”

“Yog Tswv Ntuj yog Leej Txiv, ua cas nws thiaj tsis mloog peb? Peb twb zeem tseem tias Tswv Ntuj yuav pub yam zoo rau nws cov me nyuam, ua cas nws tsis pub rau peb?”

Vaj Qhia hais tias cov lus qhia kev ntseeg tau qhia txog lo lus teb peb cov lus nug ntawd. Peb tsum ceev faj tsam peb poob rau txoj kev tsis coj lub neej raws kev ntseeg.

Thaum peb thov Ntuj mas kom peb nco ntsoov tias peb yog tus tsob hwb Tswv Ntuj, tsis yog Tswv Ntuj yuav tsob hwb peb.

Leej Ntshiab Paj Lug tau hais tseg tias peb tsis paub tias peb thov txog dab tsi, yam peb paub thaum peb thov Ntuj tsuas yog peb tsum tsis muab hlob, peb yeem ua ib tug neeg me kom xwv peb cov lus yog lo lus thov tiag tiag tsis yog lo lus lam tau lam hais.

Thaum ib tug neeg thov tawm hauv nruab siab los, thaum ib tug neeg thov yam raws li Tswv Ntuj lub Ceeb Tsheej, es ua cas Tswv Ntuj ho tsis pub rau tus neeg ntawd? Yog peb saib hauv Ntawv Moo Zoo, peb yuav pom tias Yes Xus lub neej mas thov Ntuj tsis tseg thiab Yes Xus cov lus thov Ntuj mas muaj kev txom nyem nyob txwm nkaus. Yog cov lus thov kev khuv leej pub rau peb.

Peb kuj pom tias muaj qee zaus kuj muaj raws li Huab Tais Yes Xus thov kiag tam sim ntawd, muaj qee zaus kuj tsum tos sij hawm ntev mam muaj tuaj, thiab muaj qee zaus kuj tsis muaj tuaj raws li Huab Tais Yes Xus tau thov.

Vaj Qhia xav kom cov ntseeg sawv daws ras txog Huab Tais Yes Xus kev thov Ntuj nyob hauv Nkes Txes Mas Nis. Cov lus ntawd yog ib co lus xws li peb tsis tau hnov los dua, Huab Tais Yes Xus hais tias “Yog kuv tsis haus, lub ntim no yuav tsis hla mus.”

Vaj Qhia thiaj hais tias Hnub Rau Ntshiab tsis yog qhov kawg, vim muaj kev sawv rov los nyob hauv hnub peb. Dab phem yog hnub kawg tus huab tais, tab sis yuav tsis muaj hnub ntawd vim tsuas muaj ib tug huab tais xwb, yog Huab Tais Tswv Ntuj, thiab hnub ntawd yog hnub ntiaj teb neeg tau txais kev cawm.