20 TUS LEEJ CHOJ TSHIAB NYOB HAUV KOS LIM NAJ

Tuesday, February 23, 2021

Hnub tim 8 lub 2 hlis xyoo no, AsiaNews hauv Xes Us (Seoul) tshaj tias Tswv Qhia Andrew Yom Sujeong ua tswv cuab hauv cov kab ke tsa 20 leej Txiv Plig tshiab nyob hauv lub tsev teev Ntuj Mias Doos hnub tim 12 lub 2 hlis no. Yog vim muaj tus kab mob Covid-19, ces muaj cov Txiv Plig tshiab lawv cov tsev neeg tuaj koom cov kab ke tsa Txiv Plig tshiab xwb. Cov kab ke tsa Txiv Plig no, yog ua nyob hauv lub caij nplooj ntoos hlav ib yam li lub Koom Txoos nyob Kos Lim Naj tab tom hlav thiab yuav loj hlob.

Tswv Qhia nyob Xes Us thiaj hais ib co lus ua tsaug rau Txiv Plig niam thiab txiv, uas tau tso nkawd tus tub mus ua ib tug Txiv Plig pab lub Koom Txoos. Thov ua tsaug ntau ntau rau lub Koom Txoos nyob Kos Lim Naj uas muaj lub siab kub lug ua txoj hauj lwm tshaj Ntuj Lus. Txiv Plig Codamo qhuas txog kev tshaj Ntuj Lus nyob hauv lub Cheeb Koom Txoos Xes Us kawg. Muaj ib tug Txiv Plig nyob hauv 20 leej Txiv Plig tshiab no, mas yog nyob hauv lub Koom Haum tshaj Ntuj Lus txawv teb chaws nyob Xes Us thiab yog pab tub tshaj Ntuj Lus uas lub Cheeb Koom Txoos txhim tsa xyoo 2005. Tseem muaj 2 leeg uas tau kawm nyob hauv lub tsev qhia txuj tus cawm seej txheej siab nyob Kos Lim Naj teb, txhim tsa xyoo 2014. Muaj ib tug yog Txiv Plig Is Tas Lias tuaj ntawm Los Mas tuaj, hu ua Txiv Plig Fabiano. Nws hnub nyoog muaj 39 xyoos, tam sim no xyaum ua hauj lwm nyob Xes Us.