30 tus Tswv Qhia As Xias yuav mus koom lub rooj sab laj Tswv Qhia (Synod of Bishops) zaum tim 16 nyob Vas Tis Kas

Muaj 30 tus Tswv Qhia ntawm 18 lub xeev nyob As Xias teb yuav mus koom lub rooj sab laj Tswv Qhia zaum tim 16, nyob hauv lub 10 hli tom ntej no. 

Yog hais raws li Vatican tshaj tawm.  

Hauv cov xeev As Xias uas sib koom ntawd, Is Ntias teb muaj neeg mus koom lub rooj sab laj Tswv Qhia coob dua cov, yam li 4 tug Tswv Qhia thiab 2 tug Tswv Qhia Liab.

Vaj Qhia Fas Ntshis Kus yog tus tswv cuab ntawm kev sab laj Synodality, tau xaiv 1 tug nyob hauv 3 tug sawv cev ntawm tas nrho 360 leej. Kev sab laj zaum no yog thawj zaug uas cov neeg ntseeg yuav tau ua tub koom tes raws txoj cai, thiab muaj cai tawm suab nyob hauv tsab ntawv kawg hauv lub 10 hli xyoo 2024. 

Hauv lub rooj sab laj, cov tuaj sib koom sab laj yuav tuav xam hais txog cov lus nug hauv Instrumentum Labouris uas nyuam qhuav tshaj tawm sai sai tas los no, uas kav tas txhua lo lus ntawm kev sib cav : xws li cov Niam Tsob Hwb, kev ntshiab huv ntawm cov Leej Phauj, kev nkag mus txog hauv tej zej zog, thiab txhib hais txog kev xav kom cov Koom Haum tshiab muaj feem cuam koom nrog kev txiav txim siab ntau dua uas yog los ntawm cov neeg ntseeg.

Vaj Qhia tau tshaj tawm kev sab laj cov Tswv Qhia hais txog Synodality, nyob hauv hnub tim 7 lub 3 hlis xyoo 2020. Cov kav xwm ntawm kev tshaj Ntuj Lus txawv teb chaws tau piav tias Synodality yog “Hais txog kev ua ntawm Leej Ntuj Plig Ntshiab koom nrog Yes Xus thiab kev mus tshaj lub Moo Zoo ntawm cov neeg ntseeg”, uas muaj lub ntsiab lus li no : 

“For a Synodal Church : Communion, Participation, and Mission”. 

Cov hauj lwm no yuav pib txij lub 10 hli xyoo no, mus xaus rau lub 10 hli lwm xyoo uas yog xyoo 2024.  

Dhau ntawm cov Tswv Qhia no lawm, cov neeg As Xias uas tuaj koom sab laj tseem yuav tau tab meeg ntsib 10 tus pov thawj hais txog Synodal thiab lwm cov hauj lwm.