500 XYOO KEV NTSEEG NYOB FIS LIS PEES TEB

Ib pab neeg coob coob seev cev qhib cov kab ke ua hmoov tsuj xeeb txwm 500 xyoo ntawm kev tshaj Ntuj Lus nyob Fis Lis Pees teb. Vaj Qhia Fas Ntshis Kus koom nrog Tswv Qhia Tagle uas nws yog tub qub Tswv Qhia nyob Mas Nis Las thiab cov neeg ntseeg sib sau ua ke. Cov neeg ntseeg tsis hais poj niam txiv neej, sawv daws tuav ntoo cuam ntawm tes. Xyoo 1521, tau ua hmoov tsuj xeeb lub Caij Hla thawj zaug nyob hauv Limasawa. Vaj Qhia kuj nthuav Ntawv Moo Zoo thawj zaug hais txog “Tswv Ntuj nyiam lub qab ntuj neeg npaum no, nws thiaj muab nws Leej Tub twm zeej rau, kom xwv tus ntseeg txog Leej Tub txhob tuag, tab sis nws muaj txoj sia nyob mus li”. Vaj Qhia rov hais tias ; Tswv Ntuj hlub lub ntiaj teb neeg, ces nyob hauv Ntawv Moo Zoo tsis hais leej twg kuj xij, yog nws ntseeg txog Tswv Ntuj, mas nws yuav muaj txoj sia nyob mus li. Tswv Ntuj muab nws Leej Tub rau lub ntiaj teb neeg, txhais tias Tswv Ntuj hlub peb kawg, nws thiaj muab nws tus kheej rau lub ntiaj teb.

Thaum xaus lub thaj txi Ntuj, Tswv Qhia Tagle uas yog tus sawv cev ntawm tsoom pej xeem Fis Lis Pees thoj nam hais ib co lus ua tsaug, nws hais tias zim txwv no muaj tsoom pej xeem Fis Lis Pees ua neeg thoj nam nyob thoob ntiaj teb tshaj 10 plhom leej. Lawv tab tom koom lub thaj txi Ntuj ua hmoov tsuj xeeb zaum no thiab.