8 tug Txiv Plig Yes Xus Is txais lub Cim Tiag Tes nyob Ntsas Kas Tas

Tswv Qhia Robertus Rubiyatmoko nyob Xes Mas Las pub lub Cim Tiag Tes rau 8 tug Txiv Plig Yes Xus Is nyob hauv lub tsev teev Ntuj hwm Leej Ntshiab Anthony's ntawm Pas Duas nyob hauv lub nroog Ntsas Kas Tas. Nod yog ib zaug pub lub Cim Tiag Tes loj tshaj nyob hauv ntau xyoo dhau los no, ntawm cov xeev Yes Xus Is uas yog neeg Is Ntos Nes Xias.

Cov Txiv Plig tshiab yog tuaj ntawm txhua lub Cheeb Koom Txoos cov neeg Is Ntos Nes Xias tuaj. Xyoo 1910 kev ntseeg pib nkag mus Is Ntos Nes Xias teb, uas yog ib tug neeg ntseeg tuaj ntawm Suav teb tuaj. Nyob hauv lub Cheeb Koom Txoos Kes Tas Pas feem coob nyob deb thiab tsis muaj kev tsheb mus txog, tsis muaj hluav taws xob thiab kev sib xa xov tsis zoo pes tsawg. Siv sij hawm caij tsheb 8 teev ntawm Kes Tas Pas mus rau Npas Lais Npaws Kuas, tom qab ntawd mam rov mus ntxiv li 4 teev thiab thiaj mam txog Npoj Thoos. Haiv neeg Dayak kheev kheev raug quab yuam kom tawm hauv tej zej zog mus kawm ntawv rau lwm cov nroog.