CARISTAS PAS KIS TAAS FAIB TXHIAM XWS RAU COV NEEG RAUG DEJ NYAB

Lub lis piam tag los, cov Caritas nyob Pas Kis Taas teb tau coj txhiam laj txhiam xws noj mus faib rau tsoom pej xeem uas lawv raug dej nyab nyob hauv lub zos Leej Ntshiab Fis Lis Pos thiab Leej Ntshiab Tos Mas nyob hauv lub Cheeb Koom Txoos Kas Las Ntsis. Cov txhiam laj txhiam xws noj ntawd yog lub Koom Haum Nos Npes Robin Hood Army Pas Kis Taas ua tus pab raws li cov Caritas thov. Ntuj los nag zaum no ua rau tsoom pej xeem tau txais kev kub ntxhov loj kawg nkaus los ntawm dej nyab. Cov Caritas kuj tseem faib tej lub tsev ntaub los yog tsev tsam phooj rau tsoom pej xeem uas lawv tsis muaj vaj tse nyob thiab. Tam sim no tsoom pej xeem uas raug dej nyab, mas lawv nyob txom nyem ntsuav hauv tej chaw uas cov tseem hwv npaj rau lawv nyob. Tus Tswv Qhia Joseph Cutt uas nyob Kas Las Ntsis tau mus ncig tsham xyuas tsoom pej xeem uas raug dej nyab thiab faib txhiam laj txhiam xws rau lawv noj. Tus lwm tswj ntawm cov Caritas hais tias : peb thov ua tsaug rau cov uas muaj lub dej siab pab peb, thiab lawv ua kom peb tau mus pab tsoom pej xeem raws li tej yam peb muaj.