CARITAS PAS KIS TAAS TXAUS SIAB PAB COV NEEG THOJ NAM AS KAS NIS TAAS

Cov neeg As Kas Nis Taas uas khiav hla ciam teb mus rau Pas Kis Taas teb muaj coob dua tuaj 2 npaug nyob hauv lub lis piam tag los. Tam sim no twb muaj cov neeg As Kas Nis Taas khiav ua thoj nam mus txog Pas Kis Taas teb li ntawm 500,000 tawm leej lawm. Lub Leej Hauj Kuj thiaj txhawj xeeb txog kev nyob noj ntawm cov neeg thoj nam. Tsis tas li ntawd, tseem muaj 2 tug tub rog Pas Kis Taas raug tua tuag nyob ntawm ciam teb thiab.

Tab txawm muaj kev lees paub thiab cog lus ntawm Islamabad, tsis kav kev saib xyuas kev ruaj ntseg nyob hauv lub xeev Npas Lus Ntsis Taas kuj muaj tsis txaus thiab tsis muaj kev tso siab. Kev txeeb teb chaws ntawm cov Taliban thiab kev thim cov tub rog As Mes Lis Kas rov qab tau xaus rau lub lis piam no lawm. Ces cov Caritas Pas Kis Taas thiaj qhib kev tos txais cov neeg thoj nam As Kas Nis Taas. Pas Kis Taas thiab As Kas Nis Taas muaj tus ciam teb sib npuab ntes li 2,670 km. Cov kev ncau ntau tshaj mas yog nyob hauv lub nroog Chaman uas nyob Pas Kis Taas teb.

Amjad Gulzar uas yog tus thawj coj cov Caritas Pas Kis Taas hais tias : lub Koom Haum Kav Tos Liv tab tom soj ntsuam txog kev kub ntxhov thiab zoo siab yuav pab cov neeg thoj nam kom ntau tshaj plaws. Lawv yuav pab raws li cov tseem hwv Pas Kis Taas txoj kev pab thiab qhov lawv ua tau.

Tom qab kev sib ntaus rog nyob hauv lub xeev Khorasan, muaj cov neeg As Kas Nis Taas khiav hla ciam teb mus rau Boldak-Chaman coob tuaj 2 npaug. Muaj tsoom pej xeem As Kas Nis Taas li ntawm 20,000 leej caij dav hlau mus nqes nyob tuam ceeb Islamabad, uas yog 332 fij dav hlau.