Caritas Thaib pab cov neeg thoj nam Myanmar

Cov Caritas Thaib thiab pab neeg nrhiav kev ncaj ncees nyob hauv lwm lub Koom Txoos tau pab cov neeg thoj nam Myanmar uas lawv nyob ze ciam teb Thaib. 

Lub lis piam tag los, cov Caritas Thaib tau pab txhiam xws noj rau cov neeg thoj nam Myanmar nyob hauv lub nroog Mae Sariang, hauv lub xeev Mae Hong Son. 

Txiv Plig Pairat Sripraser tus lwm thawj tswj ntawm Caritas Thaib hais tias : Txiv Plig thiab cov Caritas tau siv tej lub tsheb muaj log siab siab nkag mus hauv lub neej thoj nam uas muaj cov neeg Myanmar li ntawm 800 leej, nyob hauv lub nroog Khun Yuam. Txiv Plig hais rau lub rooj ntawv xov xwm LiCas hais tias : “Tam sim no muaj cov me nyuam muaj mob, uas lawv yuav tsum raug xa mus kho nyob hauv tsev kho mob.” 

Cov Caritas Thaib kuj tau faib txhiam xws noj thiab lwm yam toob xib rau lub yeej thoj nam nyob hauv lub zos Sao Hin, uas yog lub yeej thoj nam muaj 4,000 tus neeg ntseeg Kav Tos Liv thiab cov Phus Thas, uas khiav ntawm Myanmar teb los. 

Tam sim no Caritas Thaib tab tom cev tes pab cov neeg thoj nam li ntawm 5,000 tawm leej nyob hauv cov zos ntawm ciam teb Thaib thiab Myanmar.

Tsis tas li ntawd, lub Cheeb Koom Txoos Chiangmai kuj tau pab 3,200 kis lus txhuv noj, 2,000 lub kaus poom ntses thiab ntses qhuav 400 kis lus rau cov neeg thoj nam Myanmar nyob hauv lub xeev Mae Hong Son. Tus sawv cev ntawm lub Cheeb Koom Txoos hais rau LiCas News tias : “Cov txhiam xws noj uas lawv faib tseem tsis tau txaus.” Vim cov neeg thoj nam muaj coob heev.

Tswv Qhia Reera ntawm lub Cheeb Koom Txoos Chiangmai zoo siab txhawb nqa tsoom pej xeem Thaib, kom sawv daws nrhiav kev pab cov neeg thoj nam, thiab sawv daws muaj feem cuam koom tes nrog. Vim tam sim no lub Cheeb Koom Txoos tab tom pab cov neeg thoj nam nyob raws ciam teb Thaib li ntawm 5,420 leej.

“Peb sawv daws xav txog cov neeg nyob ze peb teb chaws lawv lub neej, thiab lub Cheeb Koom Txoos Chiangmai nyob hauv Tswv Ntuj txoj kev sov siab. Peb muaj cov kwv tij coob leej khob qhov rooj, kom lawv tau chaw nkaum.”

Muaj 4,000 tus Kav Tos Liv thiab 1,400 tus Phus Thas, uas khiav ntawm Myanmar teb los lawv xav tau kev pab. Nod yog Tswv Qhia cov lus hais.