COV HIS NTUS NTES COV NEEG NTSEEG NYOB HAUV HNUB CHIV

Hnub tim 10 lub 10 hli no, cov His Ntus nkag mus ntes cov ntseeg kws yeev 50 leej uas tab tom ua thaj txi Ntuj Hnub Chiv nyob hauv thaj tsam Mau, nyob hauv lub xeev Uttar Pradesh uas nyob Is Ntias teb.

Raws li xov xwm tshaj tawm, cov Txiv Plig Is Ntias hais tias cov neeg phem ntawd yog cov tub ntxhais hluas Hindu Yuva uas phem heev. Cov neeg phem ntawd tau ntes cov neeg ntseeg ib txhia mus rau cov tub ceev xwm kaw nkuaj. Kuj tseem muaj ib tug Txiv Plig thiab 7 leej neeg nrog rau 3 tug poj niam raug ntes mus kaw nkuaj thiab. Vim lawv raug liam hais tias muaj kev haub ntxias kom hloov kev teev hawm.

Tseem muaj xov xwm tshaj tias muaj 2 tug Leej Phauj raug quab yuam deev tib hnub ntawd thiab raug xa mus kaw nkuaj. Tab sis tom qab tsis ntev mas nkawd kuj raug tso tawm los lawm.

Txij xyoo 2017 los, muaj kev hiam cov neeg ntseeg li ntawm 374 leeg nyob hauv ntau qhov chaw hauv lub xeev Uttar Pradesh.