Cov His Ntus rhuav tshem cov neeg ntseeg Kav Tos Liv lub tsev sab laj nyob hauv Allahabad

Nyob hauv ib lub zos hauv lub nroog Kanpur, muaj kev txhos chij daj thiab pleev cov phab ntsa tsev nyob ze lub tsev kawm ntawv neeg ntseeg uas yog xuas tsos pleev thiab sau ub no txaij vog. Tom qab uas lub tsev kawm ntawv ntawd qhib txais cov me nyuam kawm ntawv txhua txoj kev teev hawm. Cov His Ntus xav tias yog muaj kev tsim tsev teev Ntuj tshiab uas tsis tau txais lus tso cai. 

Tus Tswv Qhia nyob Lucknow nug tias pab neeg twg muaj cai rhuav txhua yam tsim tawm, tab txawm tsis muaj ntawv tso cai tsim nyog kuj xij. 

Cov His Ntus tau tsoo thiab rhuav cov Kav Tos Liv ib lub tsev kawm ntawv uas tab tom txhim tsa nyob hauv lub zos Shahzadpur, hauv lub nroog Kanpur Dehat nyob hauv lub Cheeb Koom Txoos Allahabad. Lub tsev kawm ntawv ntawd yog txhim los rau cov me nyuam hauv txhua txoj kev teev hawm tuaj kawm ntawv. Lawv siv ntoo cuam thiab siv kem tsev sib tham los ua chav tsev thov Ntuj rau cov neeg ntseeg Kav Tos Liv nyob hauv zej zog, kom lawv tau kev tuaj sib sau thov Ntuj.

Cov His Ntus hais tias lub tsev kawm ntawv ntawd tab tom yuav rais ua ib lub tsev teev Ntuj thiab tsis muaj ntawv tso cai. Lawv xuav tsos pleev thiab sau tej tus duab los cav txog lawv tus tswv His Ntus. Lawv tsoo tej tshuab ntes tub sab thiab tej mlom piam sij tas. Cov Kav Tos Liv twb tau cev ntawm thov tso cai lawm, tab sis tseem tab tom tos daim ntawv tso cai tuaj xwb.

Thawj tsab ntawv (FIR) raug cev rau cov tub ceev xwm uas muaj cov His Ntus ntsia ntsoov, Bajrang Dal thiab Vishva Hindu Parishad.

Satish Kumar Singh tus tub ceev xwm nyob hauv lub tsev Akbarpur hais tias : cov neeg tawm tsam tau ua tej yam tsis tsim nyog rau cov tub ceev xwm thiab tsis hwm lawv. Vim lwm pab neeg thov tas zog kom lawv txhob siv lawv lub zog thiab lawv txoj cai.