Cov His Ntus tua cov neeg ntseeg lub khw muag ntaub ntawv nyob Is Ntias teb.

Kev tawm tsam tiv cov neeg ntseeg hauv lub khw muag ntawv nyob Delhi World Book Fair. Cov neeg His Ntus tua cov neeg ntseeg lub khw muag ntawv hauv World Book Fair, hauv lub nroog Pragati Maidan uas nyob New Delhi hnub tim 1 lub 3 hlis no. Lawv liam txim hais tias yog cov neeg ntseeg faib Ntawv Ntshiab pub dawb rau tsoom pej xeem.

Cov His Ntus lub hom phiaj yog lub khw muag ntawv Gideons International uas yog cov neeg ntseeg qhov chaw muag Ntawv Ntshiab ntawm cov Plos Tes Taas. Lawv muag Ntawv Ntshiab tsis yog xav ua luam kom tau paj.

Xov xwm tshaj tias : thaum sij hawm kwv yees li 2 teev 15 hnub qaij, muaj cov neeg ntoo kaus mom looj ntsej muag ua lub cim txog kev teev hawm tikkas nyob saum hauv pliaj sawv vij qhov chaw cov neeg ntseeg muag Ntawv Ntshiab. 

Cov neeg ntawd muaj cov hlab ntaub tsos daj khi ntawm caj dab. Dhau ntawm kev muag Ntawv Ntshiab lawm, lub khw tseem sau tej daim ntawv loj loj hais txog tej kab lus nyob hauv Ntawv Ntshiab pub dawb rau sawv daws saib thiab Ntawv Ntshiab. 

Muaj cov neeg zoo li hais ntawd 50 leej sawv ncig lub khw muag Ntawv Ntshiab thiab qw qw tias “siab ncaj ncees” thiab liam hais tias cov neeg ntseeg ntxias cov His Ntus uas pluag txom nyem thiab quab yuam kom lawv hloov kev ntseeg.

Pab neeg ntawd dua cov ntawv uas lawv sau, dua Ntawv Cog Lus Tshiab, dua cov ntawv Paj Nruag thiab cov ntawv cov Paj Lug. Muaj ib co ntaus cov neeg ntseeg thiab dua Ntawv Ntshiab, lawv qw qw tias : 

“Tso tseg txhob faib Ntawv Ntshiab, tso tseg kev hloov kev teev hawm”.

Lub khw muag ntaub ntawv hauv New Delhi World Book Fair yog pib hnub tim 25 lub 2 hlis thiab xaus rau hnub tim 5 lub 3 hlis. Yog National Book Trust uas tseem hwv ua tus npaj thiab tau txais kev txhawb nqa los ntawm lub Koom Haum lag luam Is Ntias, yog kev txhawb nqa kev lag luam txawv teb chaws.