COV KAV TOS LIV HAIS FOOS PAB COV NEEG TXOM NYEM NYOB HAUV CAIJ PLAUB CAUG

Friday, March 12, 2021

Hnub tim 19 lub 2 hlis tag los no, nyob hauv lub xeev HaiDuong cov kws kho mob hais tias muaj cov neeg kis tus kab mob Covid-19 tshiab 7 leej .

Lub xeev HaiDuong muaj 5 lub nroog loj. Tam sim no cov tseem hwv tau teeb cov chaw soj ntsuam kab mob 949 qhov nyob thoob lub xeev HaiDuong thiab txwv tsoom pej xeem kom tsis txhob nyob sib ti. Cov kws kho mob tau txwv 64 thaj chaw nyob hauv 9 lub zos thiab ua 2 lub tsev rau cov neeg mob nyob hauv lub nroog Chi Linh.

Cov Caritas nyob hauv lub Cheeb Koom Txoos Hais Foos tau npaj ntau yam toob xib mus faib rau cov me nyuam nyob hauv cov yim neeg pluag txom nyem thiab raug tus kab mob, tsis hais ntseeg thiab tsis ntseeg huv tib si.

Hnub tim 6 lub 2 hlis tag los, cov Caritas nyob Hais Foos tau ua zaub mov coj mus faib rau cov neeg me nyuam ntsuag, cov neeg tuag tes tuag taw thiab cov neeg lag ntseg dig muag noj. Txiv Plig Wan Hai thiab lub Koom Haum Kav Tos Liv pab neeg txom nyem tau pub paj tshab 250 pob rau cov yim neeg ntseeg nyob hauv lub zos Trn Noi thiab lub zos PhuTao. Tsis tas li ntawd, Txiv Plig Wan Hai kuj tau ua ntau yam hauj lwm pab neeg nyob hauv lub xeev Hai Duong thiab Quang Ninh.