COV KAV TOS LIV PAB CAWM COV NEEG NYOB ZE ROOB DEJ KHOV

Tim 23 lub 2 hlis tas los no, cov neeg ntseeg nyob ze thaj tsam Xas Mos Lis, nyob Is Ntias teb tau mus pab cov pej xeem uas raug dej khov pob los txhub.

Txiv Plig As Yos (Ajo) yog ib tug Txiv Plig nyob hauv cov Carmelites Of Mary Immaculate (CMI), thiab lub tsev teev Ntuj nyob hauv Joshimath uas ze qhov chaw dej khov pob los txhub tsoom pej xeem tau mus tsham xyuas cov neeg uas raug xwv txheej nyob hauv 8 lub zos.

Txiv Plig As Yos thiab Leej Phauj Xaus Mis As (Soumya) nrog rau tus thawj tswj lub tsev kawm ntawv Jyoti Vidyalaya thiab lub tsev kawm ntawv Kav Tos Liv Joshimath lawv sawv daws ua ke mus tsham cov pej xeem uas raug dej khov thiab av txhub. Txiv Plig As Yos hais tias peb nqa txhiam xws noj mus faib rau cov yim neeg raug xwv txheej nyob hauv 8 lub zos, soj ntsuam thiab pab cov pej xeem raug xwv txheej kom lawv rov tau ua lub neej tshiab, vim lawv tej vaj tse raug av txhub tas. 

Tam sim no lawv nrhiav tau 67 tus neeg tuag lawm, tab sis tseem tshuav ntau caum leej uas nrhiav tsis tau. Tsis tas li ntawd, tsoom pej xeem tseem ntshai tias tsam lub pas dej hiav txwv uas siab li 4,000 mev puv thiab tawg los, ces yuav ua rau lawv rov raug dej nyab piam sij loj.