COV KAV TOS LIV THIAB PLOS TES TAAS NYOB KOS LIM NAJ KOOM NROG TSOOM PEJ XEEM MIAS MAS UA IB LUB SIAB

Friday, March 26, 2021

Kev sib sau sab laj ntawm cov Tswv Qhia Kav Tos Liv thiab cov thawj coj Plos Tes Taas (Ncck) nyob Xes Us Kos Lim Naj teb, mas sawv daws pom zoo sib koom ua ib lub siab nrog tsoom pej xeem Mias Mas tiv kev txom nyem. Txij thaum Mias Mas teb muaj kev kub ntxhov los, mas cov Txiv Plig thiab cov Leej Phauj tau taij thov kev ncaj ncees rau tsoom pej xeem thiab xyav moo txog cov tub rog txoj kev ua phem rau tsoom pej xeem. Tswv Qhia Yeom tau sau ib tsab ntawv nrog tsoom pej xeem Mias Mas sib koom siab thiab pab 50,000 USD txhawb nqa Tswv Qhia Bo uas nyob Mias Mas teb.

Hos cov thawj coj Plos Tes Taas thov kom lub Leej Haum Kuj (UN) txiav kev pab Mias Mas teb. Cov tseem hwv Kos Lim Naj nyob hauv tuam ceeb Xes Us hais tias : lawv tsis xa riam phom thiab tsheb tua rog mus pab cov tub rog Mias Mas lawm. Hais txog kev yuav pab Mias Mas teb xws li yav tag los, mas cov tseem hwv Kos Lim Naj yuav rov qab xav tswv yim dua.

Xyoo 2019, Kos Lim Naj tau pab nyiaj 90 plhom USD rau cov tseem hwv Mias Mas, vim muaj tsoom pej xeem Mias Mas nyob Kos Lim Naj teb li ntawm 25,000 txog 30,000 leej.