COV KAV TOS LIV TXOJ HAUJ LWM PAB COV NEEG PLUAG HAUV HOS CIS MEES

(Asianews photo)

Friday, June 25, 2021

Nyob Nyab Laj teb, mas tus kab mob COVID-19 ua kev kub ntxhov rau cov neeg pluag txom nyem thiab cov neeg tsis muaj vaj tse nyob coob kawg. Tab sis cov neeg ua lag luam raws tej ntug kev, cov neeg cheb kev thiab cov los pav ua lag luam me me lawv tsis kub ntxhov pes tsawg.

Lub caij muaj tus kab mob COVID-19 no, cov neeg ntseeg Kav Tos Liv tau nqa zaub mov mus faib rau cov neeg pluag txom nyem noj. Qee yim neeg ntseeg kuj txais tej tus neeg laus, tej tus neeg tsis muaj vaj tsev nyob thiab tej tus neeg dig muag los sis lag ntseg nyob hauv lawv tsev.

Anna Huyền Trang uas nws yog ib tug tub sau ntawv xov xwm hais txog lub Koom Txoos Kav Tos Liv cov hauj lwm nyob hauv Hom Cis Mees hais tias Txiv Plig Le Quang Uy thiab cov neeg ntseeg qee leej tau npaj txhiam xws noj mus faib rau cov neeg pluag txom nyem nyob ib ncig tau noj, ib lis piam faib 2-3 zaug li ntawd.

Txiv Plig thiab cov neeg ntseeg ua li ntawd los ntau xyoo lawm, ces thaum muaj xwv txheej tshwm sim li no, lawv thiaj tau nqa zaub mov mus faib dawb rau cov neeg pluag txom nyem noj.

Txiv Plig Le Quang Uy hais tias nws tsis tuaj yeem yuav mus tsham nws cov kwv tij nyob Hom Ces Mees tau, vim tus kab mob sib kis ces kawg yuav tsum tau uv.

Tseem tshuav cov neeg nyob ib leeg tsis muaj tub ki, cov neeg laus, cov lag ntseg dig muag thiab cov neeg nyob ntawm tej ntug kev coob coob uas lawv txom nyem tshaj. Muaj tej qhov chaw, mas lawv tau faib txhiam xws noj thiab dej haus rau 200-300 leej.

Tam sim no xam tas nrho cov neeg mob COVID-19 nyob thoob Nyab Laj teb muaj li ntawm 13,483 leeg. Nyob hauv lub nroog Hom Cis Mees, cov tseem hwv txwv tsis pub neeg nyob sib ze thiab cov khw ntau lub raug kaw tseg. Txwv tsis pub neeg sib sau nyob ua ke tshaj 5 leeg. Txoj cai txwv no yuav siv nyob hauv lub nroog Hom Cis Mees 2 lis piam ntxiv.