COV KWS KHO MOB THIAB LUB KOOM HAUM KAV TOS LIV PAB COV NEEG NYAB LAJ UAS RAUG TUS KAB MOB COVID-19

Tam sim no kev kho cov neeg mob COVID-19 nyob Nyab Laj teb, mas yog ib yam hauj lwm loj kawg. Nyab Laj teb muaj cov neeg mob COVID-19 yog 15,643 leeg.

Muaj cov kws kho mob, cov tub kawm ua kws kho mob, cov muaj lub dej siab pab thiab cov tub ntxhais hluas Kav Tos Liv ntau txhiab leej tau sib koom tes, kom tau pab kho cov neeg mob COVID-19 zaum tim 4.

Cov tub tseem hwv, cov kws kho mob thiab cov neeg ntseeg tab tom muab siab rau pab cov pej xeem nyob hauv qee lub xeev nyob Nyab Laj qaum teb, xws li Bac Giang uas muaj 3,000 tus neeg mob thiab Bac Ninh uas yog lub nroog muaj cov neeg mob coob tim li ntawm 1,160 leeg. Cov tseem hwv kuj npaj cov txaj rau neeg mob pw li ntawm 3,000 lub.

Hoa uas nws yog tus thawj tswj tsev kho mob nyob hauv lub xeev Bac Ninh hais tias kev kho mob nyob hauv lub xeev thiab nraum tshav puam, mas yog kho zoo ib yam thiab txuas nrog tseem hwv lub tsev kho mob. Ces cov kws kho mob nyob hauv cov tsev kho mob raug xa mus rau tej zej zog uas sib kis mob loj, kom tau pab kho mob rau tsoom pej xeem. Cov kws kho mob feem ntau tsis tau noj mov thiab tsis tau so, tab sis hmoo zoo uas tsis muaj ib tug kis kab mob li.

Nyob ntawm lub xeev Hom Cis Mees qab teb, mas muaj 400 leej neeg mob. Cov tseem hwv tau pab nyiaj 1000 plhom doos (43,500 US dos las), kom tau pab cov neeg mob thiab cov neeg raug teeb meem los ntawm tus kab mob COVID-19.