COV LEEJ PHAUB LUB TSEV RAU VAJ QHIA QIV PAB NEEG

Lub rooj kav xwm ua hauj lwm pab neeg ntawm Vaj Qhia, tau txais ib lub tsev ntawm cov Leej Phauj ua chaw so thiab cia rau cov neeg thoj nam tau nyob, nyob hauv lub nroog Los Mas yam tsis raug them nyiaj. Raws kev nqua hu ntawm Vaj Qhia tsab ntawv Fratelli tutti, mas ntau zaus hais txog kev nrhiav chaw tos txais cov neeg thoj nam los sis cov ntxhais kawm ntawv uas lawv xeeb tub.

Tus Tswv Qhia Liab hu ua Kas Yes Xas Kis (Card. Krajewski) hais tias : cov Leej Phauj lub tsev yog lub tsev Vis Las Xes Les Nas (Villa Serena) uas qiv rau Vaj Qhia no, thiaj cia ua chaw tos txais cov neeg thoj nam uas txom nyem thiab cov ntxhais hluas uas lawv xeeb tub thaum lawv hnub nyoog tseem yau. Lub tsev ntawd txaus txais tos cov neeg thoj nam 60 leej. Lub tsev Vis Las Xes Les Nas zwm rau lub Koom Haum Community of Sant'Egidio xyoo 2015 los lawm. Tam sim no lub Koom Haum no muaj cov tub ntxhais hluas nyob rau hauv li ntawm 2,600 leej. Lawv yog ib co neeg thoj nam uas khiav ntawm lwm teb chaws mus nyob Is Tas Lias teb.