Cov Leej Phauj Kav Tos Liv tawm tsam tiv kev ua luam neeg nyob Xes Us

Monday, June 19, 2023

Hnub tim 18 lub 5 hlis tag los no, Talitha Kum Korea tau ua cov kab ke tawm tsam tiv kev ua luam neeg nyob hauv tuam ceeb Xes Us. Cov Leej Phauj ua hauj lwm nyob hauv Talitha Kum Korea hais tias : “Peb yuav sib koom thov Ntuj ua ke thiab cheem kev ua luam neeg nyob Kos Lim Naj thiab nyob thoob ntiaj teb”.

Kev sib sau tawm tsam no yog ua los txhib cov neeg uas lawv raug txoj kev kub ntxhov li no. Talitha Kum Korea yog ib feem ntawm lub Koom Haum ntiaj teb, ntawm cov Leej Phauj Kav Tos Liv uas lawv muab tus kheej los ua cov hauj lwm tiv kev ua luam neeg hu ua Talitha Kum uas tsa nyob Los Mas.

Yog teeb tsa los ntawm International Union of Superiors General (UISG).

Lub hom phiaj yog tiv thaiv kev ua luam neeg thiab txuag pov hwm neeg. Txhawb nqa thiab pab cov neeg raug kev kub ntxhov nyob hauv 55 lub Koom Haum nyob ntiaj teb thiab muaj 92 lub teb chaws sib koom tes hauv Talitha Kun. Lawv ua cov hauj lwm tiv thaiv kev ua luam neeg nyob txhua xeev ntuj thiab lawv muaj cov neeg ua hauj lwm li ntawm 6,000 leej.

Cov neeg ua luam neeg lawv tau txiaj ntsig los ntawm cov poj niam thiab cov me nyuam Kos Lim Naj, cov raug nyiag thiab cov raug quab yuam mos deev nyob hauv yim neeg. Cov poj niam ua niam ntiav nyob hauv cov tsev haus dej haus cawv hmo ntuj, cov chaw hu nkauj lom zem thiab sib deev nyob hauv Online.