COV LEEJ PHAUJ PAB COV POJ NIAM XEEB TUB NYOB IS NTOS NES XIAS

Lub Cheeb Koom Txoos Kes Tas Paas (Ketapang) nyob hauv lub xeev Kas Lis Mas Ntaas (Kalimantan), uas nyob sab hnub poob hauv Is Ntos Nes Xias teb. Yog ib qho chaw tsis tshua muaj neeg paub, tab sis nyob ntawd muaj Leej Phauj Es Lis Xas Pes Tas (Elisa Petra) uas yog tus ua hauj lwm rau cov neeg Os Kas. Leej Phauj Es Lis Xas siv nws li peev xwm los ua hauj lwm pab neeg yam tsis yuav dab tsi pauj rov rau nws tau 8 xyoo. Tsoom pej xeem tso siab rau cov Leej Phauj, vim lawv ua hauj lwm saib xyuas kev noj qab haus huv thiab pab kho mob. Yog ib tug Leej Phauj neeg Os Nkas (Augustine Dutch) pib ua cov hauj lwm pab neeg li ntawd txij xyoo 1955 los.

Leej Phauj Es Lis Xas zoo siab thiab nws pib nkag mus koom cov Leej Phauj lub Koom Haum “Sister Congregation OSA” uas nyob hauv lub nroog Kes Tas Paas, lub xeev Kas Lis Mas Ntaas nyob sab hnub poob. Yog vim nws txawj xav thiab paub txog qhov zoo qhov phem, nws txaus siab ua hauj lwm pab lub Koom Txoos thiab lwm tus neeg. Nws yuav nrog cov Leej Phauj sawv ua ib ntxaig nyob hauv ib lub nkoj ntoo me me. Leej Phauj Es Lis Xas hais tias : “Kuv nkag mus nyob hauv lub Koom Haum OSA thaum kuv muaj hnub nyoog 21 xyoos. Kuv yog tus hnub nyoog ntau dua cov thiab yog thawj tug kawm tiav qib siab. Ces OSA thov kom kuv ua tus kws kho mob pab cov poj niam yug me nyuam, vim kuv yog tus tau kawm ntau dua.”

Xyoo 2011, Leej Phauj Es Lis Xas rov cog lus thiab ua txoj hauj lwm ntawd los. Nws pab cov poj niam yug me nyuam nyob hauv tej lub zos nyob deb nroog, cov hauj lwm nws ua tawm los yog kev hlub thiab kev khuv leej. Leej Phauj Es Lis Xas ua txoj hauj lwm pab cov poj niam yug me nyuam los tau 8 xyoo. Tas 8 xyoo uas Leej Phauj Es Lis Xas ua cov hauj lwm pab neeg, mas nws caij ib lub tsheb kauj vab thiab mus ko taw. Lub caij ntuj nag, mas nws tiv nag ib leeg thiab lib av nkos mus pab neeg .