Cov Leej Phauj Is Tas Lias ua hmoov tsuj xeeb txwm 20 xyoo ntawm kev sib koom

Cov Leej Phauj Kav Tos Liv neeg Mias Mas lawv ua hmoov tsuj xeeb txwm 20 ntawm kev sib koom nrog cov Is Tas Lias. Cov Leej Phauj (SdP) nyob hauv lub Cheeb Koom Txoos Kyaintung tau thov Ntuj ua Ntuj tsaug txwm 20 xyoo ntawm kev sib koom nrog cov Leej Phauj Is Tas Lias nyob Providence, yog ncaj rau hnub Mias Mas teb tau nyob twj lij.

Leej Phauj Mary ntawm SdP hais rau RVA News tias : kev sib koom tes ntawm cov Leej Phauj, mas lawv sib koom tes sib hlub xws li ib co viv ncaus. Yog cov Leej Phauj Divine Providence nyob Mias Mas thiab cov Leej Phauj nyob Is Tas Lias Providence. Lawv tau txais kev pom zoo los ntawm Vaj Qhia Zam Paj Lug Ob hnub tim 4 lub 1 hlis xyoo 2010.

Immaculata Buzar uas yog ib tug tub kawm qub nyob hauv lub tsev kawm ntawv Bonetta, uas muaj cov Leej Phauj Divine Providence ua cov coj thiab tau txais lus caw nyob hauv 20 xyoo ntawm cov Leej Phauj kev sib koom. Nws hais tias kuv tau txais kev kaj siab, sov siab, kev txawj ntse thiab txhua yam kev paub los ntawm lub tsev kawm ntawv nyob hauv lub caij kuv kawm. Thov ua tsaug rau cov Leej Phauj uas tseem caw peb cov tub qub kawm tuaj koom hmoov tsuj xeeb 20 xyoo thiab.

Tam sim no muaj cov Leej Phauj 72 leeg thiab 6 leej nyob Mias Mas teb. Cov Leej Phauj lawv ua hauj lwm nyob hauv txhua lub Koom Txoos xws li, Mias Mas teb 52 leeg, Thaib teb 4 leeg thiab 16 leej yog nyob Is Tas Lias teb.