Cov lus nyob hauv ntawv Moo Zoo yog tus cag ntawm tib neeg kev ncaj ncees.

A Biblical quote is the foundation for Human Rights communication Expert (RVA news photo)

Thursday, December 30, 2021

Cov neeg muaj kev txawj ntse txog kev sib fi xov hais tias : tib neeg yuav tsum tau txais kev txawj ntse kom txhawb nqa tib neeg kev ncaj ncees raws li cov lus nyob hauv ntawv Moo Zoo. Tus xib hwb Robert Ferdous nyob hauv lub tsev qhia ntawv txheej siab nyob Kas Thas tau hais txog cov lus nyob hauv ntawv Moo Zoo, hlub luag tej ib yam li yus hlub yus. Yog hais kom sawv daws nco ras txog kev hla tib neeg txoj cai. hais txog tib neeg txoj kev ncaj ncees, tsoom pej xeem yuav xub tau txais.

Robert Ferdous hais tias : lub sij hawm nws ua txoj hauj lwm qhia kom neeg nco ras txog tib neeg kev ncaj ncees, mas cov neeg ntseeg Kav Tos Liv nyob Npees Las Des teb tab tom ua hmoov tsuj xeeb hnub kev ncaj ncees nyob ntiaj teb, nyob hauv CBCB Mobammadpur nyob Kas Thas hnub tim 9 lub 12 hlis no. Lub koob tsheej no yog cov thawj coj Episcopal hais txog kev ncaj ncees thiab kev twj lij ntawm cov Tswv Qhia Kav Tos Liv nyob Npees Las Des (CBCB).

Tswv Qhia Rosario uas yog tus thawj ntawm Episcopal hais txog kev ncaj ncees thiab kev thaj yeeb nyob Npees Las Des, thov kom sawv daws txhawb nqa kev paub txog tib neeg txoj cai thiab sib pab hais txog tib neeg kev ncaj ncees.

Sanjie Drong tus lwm thawj tswj cov neeg nruab nroog nyob Npees Las Des teb hais tias : cov neeg poob nyob hauv kev hla txoj cai, mas yog cov neeg nruab nroog, cov neeg txom nyem thiab cov haiv neeg tsawg. Cov haiv neeg tsawg thiab cov nyob nruab nroog raug tso hem thawj nyob txhua qhov chaw thoob teb chaws, lawv khiav tso vaj tso tsev tseg thiab txom nyem kawg. “Rhuav tshem kev tsis sib luag thiab ua kom muaj vaj huam sib luag, txuag tib neeg txoj cai, qhov yog lub hom phiaj ntawm lub Leej Haum Kuj hais txog tib neeg kev ncaj ncees ntawm lub ntiaj teb”.