Cov neeg mob COVID-19 nyob Los Tsuas teb nce siab heev, nyob hauv kev sib kis mob zaum 3

Cov neeg mob COVID-19 nyob Los Tsuas teb nce siab heev, nyob hauv kev sib kis mob zaum 3

(Covid cases in Laos hit record highs amid third wave) -UCANews photo-

Cov neeg mob COVID-19 niaj hnub sib kis nyob hauv Los Tsuas teb. Yuav luag 50 feem pua ntawm cov neeg mus soj ntsuam kab mob, mas puav leej kis mob tas.

Hnub tim 1 lub 4 hlis muaj cov neeg mob COVID-19 txhab ntxiv li 2,404 leeg thiab tuag 4 leeg. Cov mus soj ntsuam kab mob yog 5,670 leej.

Tab sis tseem hwv Los Tsuas tshaj tias cov neeg kis kab mob tshiab ib hnub tsawg dua 250 leej. Txij thaum tus kab mob Omicron tshwm sim los, cov neeg Los Tsuas sib kis mob coob thiab sai kawg. Los Tsuas teb nkaug tshuaj Vaccine qeeb heev, tam sim no cov neeg nkaug tshuaj Vaccine yog 61 feem pua xwb. Nyob Khas Phus Chas teb cov neeg mob COVID-19 nqis ib hnub yog 50 leej. Ces Khas Phus Chas teb tuaj yeem qhib teb chaws tau lawm, vim tsoom pej xeem nkaug tshuaj Vaccine 80 feem pua thaum lub 11 hlis tsaib no los lawm.