COV NEEG NTSEEG NYOB LOS TSUAS NYIAG NTSEEG NYOB NTSIAG TO

Txoj kev ntseeg nyob Los Tsuas teb tseem tsis tau qhib dav thiab tseem muaj kev iab hiam, ces cov neeg ntseeg tsis hais cov Plos Tes Taas los yog cov Kav Tos Liv thiaj ntseeg nyob ntsiag to, yam li nyias ntseeg nyob hauv nyias tsev xwb. 
Hnub tim 14 lub 9 hlis no, muaj ib co duab tawm nyob hauv Online hais txog 9 tug txiv neej uas yog cov ntseeg Plos Tes Taas mus thov Ntuj nyob ntawm ib tsob ntoo loj nyob hauv hav zoov. Cov neeg ntseeg uas nyob toj siab, mas lawv pom tias txoj kev ntseeg yuav teev hawm nyob hauv zej zog tsis tau, ces lawv yuav tsum mus teev Ntuj nyob tom tej hav zoov thiab tej qhov chaw nraim uas lawv xav tias tsim nyog. Yog tias lawv teev Ntuj nyob hauv zos, mas muaj ib co neeg tsis ntseeg soj ntsuam caum lawv qab, ces yuav ua rau lawv raug teeb meem. Lawv txoj kev ntseeg tseem tsis tau yog ib txoj kev ntseeg qhib dav thiab tso cai “Open Doors International”. Zim txwv no mas muaj cov neeg ntseeg Plos Tes Taas uas raug iab hiam nyob hauv 70 lub teb chaws nyob thoob ntiaj teb. Cov neeg ntseeg nyob hauv cov teb chaws koom tshaj muaj li ntawm 7 plhom leej, tab sis muaj 2 feem pua thiaj yog cov neeg ntseeg Kav Tos Liv xwb. Tab txawm cov tseem hwv Los Tsuas tau hais tias cov pej xeem muaj cai teev hawm ywj siab, tsis kav qhov tseeb tiag tseem muaj cov neeg ntxub ntxaug cov neeg ntseeg tas zog, thiab muaj qee leej raug cov tub ceev xwm ntes. Tsis ntev los no, tseem hwv Mias Mas tau tshaj ib tsab cai uas yog tsab cai tim 238 tias : tseem hwv Mias Mas tso cai rau cov koom haum thiab tej zej zog tuaj yeem teev hawm ywj siab, tsis hais kev teev hawm Phus Thas los yog kev ntseeg. Tab sis qhov ntawd tsis paub meej tias puas yuav muaj tseeb raws li cov tseem hwv Mias Mas hais.