COV NEEG NTSEEG SAWV DAWS YUAV TSUM PAB TIV THAIV HAIS TXOG LWM TXOJ KEV TEEV HAWM UAS TSIS HAUM TXOJ KEV NTSEEG THIAB MUAJ KEV QUAB YUAM

Hnub tim 30 lub 3 hlis xyoo 2019 no, nyob hauv lub rooj sab laj hais txog kev teev hawm, mas yog tus yawm sij ntawm kev tiv thaiv kev quab yuam thiab yog txoj hau kev yuav ua siab ntev ua hauj lwm rau lwm tus neeg. Ua kom sawv daws muaj kev sib nkag siab thiab sib nyiam sib hlub. Vaj Qhia Fas Ntshis Kus tau mus tsham Mos Los Kos teb (Morocco), raws li lub caij nyoog tau teem tseg thiab tau hais txog cov teeb meem no rau cov tseem hwv Mos Los Kas thiab cov tiam lis sawv daws. Peb yuav tshais ruam nyob hauv txoj kev ua siab ntev hais txog hwm luag thiab nyiam luag tej. Thaum muaj kev sib tham txog cov kev teev hawm, mas Vaj Qhia thov kom sawv daws tos txais lwm tus txoj kev teev hawm thiab nrog luag sib fim ruaj nreb. Tab txawm tias peb txoj kev ntseeg sib txawv, tsis kav yuav tsum muaj kev sib fim sib haum xeeb. Tsuav yog tus neeg ntawd muaj lub siab zoo thiab nrhiav yam uas sawv daws yuav ua ua ke tau. 

Vaj Qhia tau hais ib co lus qhuas txog lub teb chaws Mos Los Kos muaj tej kab lis kev cai zoo thiab lub teb chaws muaj toj roob hauv pes zoo nkauj kawg. Vaj Qhia tau hais txog kev teev hawm ntawm 2 lub teb chaws tias ; yuav tsum muaj kev qhuab qhia ntawm 2 lub teb chaws hais txog kev teev hawm, nrhiav kev paub thiab kev sib nkag siab ntawm nyias txoj kev ntseeg, ua kom 2 txog kev teev hawm nyob ruaj khov. Vaj Qhia hais tias sawv daws yuav tsum muaj kev sib sau sab laj, sib ntsib thiab sib koom tes kom yeej kev tsis sib nkag siab thiab kev sib npau taws. Txoj kev ua txuj tig los sib tham tab sis lub siab tsis sib npuab, ua lub neej xws li qhov qub tsis muaj kev pauv ntxeev, mas tsis zoo tus dab tsi. Vaj Qhia hais tias ; nod yog yam tseem ceeb uas sawv daws yuav tau sib koom ua ib lub siab nyob hauv cov neeg muaj txoj kev ntseeg zoo. Kom tau tiv thaiv cov neeg muaj tej txoj kev yuam kev thiab lawv nyiam quab yuam luag tej. Vim txoj kev twj lij ntawm kev teev hawm, tsis yog tias yuav pe hawm nkaus xwb, txhua tus neeg yuav tsum ua lub neej mus raws nws txoj kev ntseeg raws nws txoj kev teev hawm. Vaj Qhia thiaj thov kom cov neeg ntseeg uas nyob hauv Mos Los Kos teb sib koom siab thiab ua Tswv Ntuj cov me nyuam, ua tus txhawb nqa thiab tiv thaiv tib neeg. Thaum Vaj Qhia mus txog Mos Los Kos teb, mas ntuj los nag ntsuav, tab sis Vaj Qhia kuj tau txais kev tos txais ntawm tsoom pej xeem yam sov siab kawg. Kev mus tsham txawv teb chaws zaum no, kuj yog Vaj Qhia txoj kev tawm rooj ntawm Is Tas Lias teb zaum tim 28, yog kev tsham cov teb chaws As Fiv Kas zaum 3. Mos Los Kos yog lub teb chaws tim 42 uas Vaj Qhia mus tsham.