COV NEEG NTSEEG TES HAUJ LWM TSHIAB

Txhua txhua xyoo lub 10 hli, cov neeg ntseeg Kav Tos Liv nyob thoob ntiaj teb yuav ua hmoov tsuj xeeb “Cov hauj lwm Hnub Chiv”. Cov neeg ntseeg feem coob tsis paub txog kev pauv ntxeev ntawm cov hauj lwm nyob hauv ntau caum xyoo dhau los.

Xyoo 1950 thiab ua ntej ntawd, cov hauj lwm Hnub Chiv yog kev sib tawm nyiaj pab cov neeg ntseeg uas yog cov pluag txom nyem thiab nyob pem tej toj siab. Cov zos uas muaj nyiaj me ntsis sawv daws sib sau nyiaj mus pab cov zos uas muaj cov neeg txom nyem. Kom sawv daws tau kev sib pab sib fim thiab sib tham txog lawv tej kev cai dab qhuas.

Nyob hauv lub Rooj Ncauj Lus Vas Tis Kas II xyoo 1962 txog 1965, rov hais txog lub Koom Txoos cov dej num ib zaug. Ua kom cov neeg ntseeg muaj tej yam tshiab tshiab tawm tuaj, yam li cov tsim koob hmoov. Mus ua ke, mus kom txog lub hom phiaj thiab tej thaj tsam nyob deb. Sawv daws tau ntsib coob leej neeg thiab ntau xeem lus.

Kev pauv ntxeev cov neeg ntseeg tes hauj lwm, yog hais txog cov dej num qhia kev ntseeg thiab kev teev Ntuj Hnub Chiv. Yuav ua kom cov neeg ntseeg sib koom siab thiab ruaj khov dua qub. Vaj Qhia Paj Lug 6 tau hais ib lo lus tias : “Kev sib tham yog ib txoj kev tshiab nyob hauv yus txoj kev ua neeg ntseeg”.

Kev sib tham uas kom yus txawj sib hwm thiab sib txhawb ntawm 2 tog. Kev sib tham uas kom yus paub txog lwm tus txoj kev ntseeg, ces yus yuav tsis ntiab thiab hais lus saib tsis taus luag.