Cov neeg ntseeg thiab cov Mawv Xis Lim nyob Ntsas Kas Tas sib koom tes pab cov neeg raug tus kab mob COVID-19

Cov neeg ntseeg thiab cov Mawv Xis Lim nyob Ntsas Kas Tas, teb chaws Is Ntos Nes Xias lawv tab tom sib koom tes pab cov pej xeem uas raug teeb meem loj los ntawm tus kab mob COVID-19.

Ib tug Txiv Plig Yes Xus Is uas nyob hauv lub tsev teev Ntuj Assumption hais tias : kev thov ntuj pab cov neeg muaj mob, yog thawj yam uas nyuam qhuav pib nyob hauv kev sib tham thiab kev ua hauj lwm xwb.

Raws cov lus tshaj tawm nyob hauv Radio Veritas Asia, mas cov Txiv Plig qhuas txog kev sib koom tes ntawm cov kev teev hawm, vim kev sib koom tes tau daws teeb meem thiab txhawb nqa txhua yam. Kev muab siab rau yog lub noob ntawm tib neeg yuav tsum muaj, kev sib txhawb nqa yog ib lub tswv yim uas tsim nyog sawv daws yuav ua ntxiv mus. Txawm tias txoj kev uas peb tab tom taug yuav nyuab npaum twg, nws yog kev nplua nuj nyob hauv peb cov xeeb ntxwv hauv lub teb chaws uas muaj kev sib faib.

Qhov tseem ceeb tiag yog kev sib koom tes ntawm cov kev teev hawm uas sib koom tes daws teeb meem kub ntxhov. Vim li ntawd, cov neeg ntseeg thiab cov Mawv Xis Lim thiaj sib koom tes pab txhiam xws noj rau cov yim neeg uas muaj mob nyob hauv lub tuam ceeb Ntsas Kas Tas.

Tsis tas li ntawd, lub Cheeb Koom Txoos Ntsas Kas Tas tseem muab cov tsev kawm ntawv ua tsev kho mob rau cov neeg muaj mob thiab. Lub caij no yog lub caij zoo qhia kom sawv daws paub txog txoj kev hlub ntawm cov kev teev hawm uas muaj nyob Is Ntos Nes Xias teb.