Cov neeg ntseeg thov tseem hwv Is Ntias kom pab txuag cov haiv neeg tsawg.

Cov neeg ntseeg uas yog haiv neeg tsawg nyob hauv lub xeev Jharkhand uas nyob Is Ntias sab hnub tuaj, tau thov cov tseem hwv Is Ntias kom pab txuag txoj cai kev ncaj ncees ntawm cov haiv neeg tsawg, vim muaj kev tua cov neeg ntseeg heev zuj zus thiab tsoo lawv tej vaj tse nyob hauv lub xeev Chhattisgarh thiab ib ncig ntawd.

Hnub tim 15 lub 1 hlis no, cov neeg ntseeg tuaj ntawm ntau txoj kev teev hawm tuaj, lawv sib sau nyob hauv lub nroog Ranchi, lawv tuaj koom nrog cov neeg ntseeg nyob hauv lub xeev Chhattisgarh uas yog cov raug ntiab tawm hauv lawv tej zej zog mus, thiab ua rau lawv kub ntxhov heev.

Cov neeg sib sau tawm tsam lawv hnav lawv hom tsoos tsho thiab lawv tuav tej daim phiaj uas sau tias : “Tso tseg kev tua neeg ntawm cov kev teev hawm”, “Pab cawm cov neeg ntseeg ntawm kev sib ntaus sib tua”, “Tso tseg kev sib cais ntawm cov kev teev hawm”. Cov neeg tawm tsam lawv sib sau ua kab sab taug kev thiab qw raws cov kev tsheb hauv lub nroog Ranchi.

Kev sib sau tawm tsam no yog los ntawm Jharkhand Christian Youth Association. Tirkey uas yog tus thawj tuav xam ntawm cov haiv neeg tsawg ua tus coj. Lawv hais tias tus thawj pwm tsav Narendra Modi tsim nyog yuav nkag mus pab tsoom pej xeem tam sid, thaum uas lawv raug kev kub ntxhov nyob hauv Chhattisgarh, kom tau ntes cov neeg ua phem ntawd coj los rau txim raws txoj cai. 

Tirkey hais tias : muaj kev ua phem thiab kub ntxhov rau cov haiv neeg tsawg uas lawv yog neeg ntseeg nyob hauv ntoo xyoo dhau los. 

Tus pab Tswv Qhia Theodore nyob Ranchi hais rau cov neeg sib sau tawm tsam tias : “Hnub no yog neeg ntseeg, tej zaum tag kis yuav yog Mawv Xis Lim los sis yog kev teev hawm Sarna ntawm cov neeg hauv nroog. Tab txawm li ntawd tsis kav peb yuav sib koom ua ib lub siab thiab tiv thaiv txuag peb cov neeg.