Cov neeg ntseeg txhawj zeeb txog kev txwv ua hmoov tsuj xeeb Yes Xus yug los nyob Npees Las Des teb

Lub rooj pwm tsav kav pej xeem thov kom cov nom tswv txo txoj cai hais txog txwv tsis pub ua hmoov tsuj xeeb Yes Xus yug los thiab xyoo tshiab. Cov thawj coj cov neeg ntseeg tsis txaus siab rau tseem hwv txoj cai txwv tsis pub ua hmoov tsuj xeeb Yes Xus yug los thiab xyoo tshiab, vim kev sib kis tus kab mob COVID-19.

Oblate Archbishop Bejoy N. D'Cruze uas nyob Dhaka hais tias : qhov uas cov tseem hwv txwv kev ua hmoov tsuj xeeb Yes Xus yug los ntawd yog ib moo phem kawg. Nws hais ntxiv tias ; hais txog kev ua lwm lub koob tsheej los yog lub teb chaws tug, mas tsis muaj dab tsi tav kev thiab cov neeg txawv teb chaws tuaj koom laub lug, tab sis hais txog cov neeg ntseeg ho txwv tsis pub ua.

Hmoov tsuj xeeb Yes Xus yug los yog cov neeg ntseeg lub koob tsheej thiab ib xyoos muaj ib zaug xwb, tab sis Npees Las Des teb muaj ntau lub koob tsheej thiab muaj cov hnub so ntau. Nyob Npees Las Des teb kuj muaj kab ke ntawm cov kev teev hawm Mawv Xis Lim, His Ntus thiab Phus Thas.

Hais txog tus kab mob COVID-19 sib kis, Npees Las Des teb cov neeg mob kuj tsawg dua qub lawm 2 feem pua. Tab sis muaj 2 tug neeg kis tus kab mob Omicron los ntawm cov neeg ncig tsham txawv teb chaws.

Tam sim no tus kab mob Coronavirus tab tom kis mus thoob ntiaj teb, tus kab mob tam sim no yog tus kab mob Omicron. Tab sis cov tseem hwv Npees Las Des kuj ua lub koob tsheej hwm lawv lub teb chaws tau nyob twj lij txwm 50 xyoo. Vim li ntawd cov tseem hwv tsis tsim nyog yuav txiav txim siab txwv kev ua hmoov tsuj xeeb Yes Xus yug los.