Cov neeg ua hauj lwm rau Vietnam-Holy See lees txais kev ywj pheej ntawm lub Koom Txoos los ua lawv txoj hauj lwm.

Lub rooj sib tham zaum tim 10 ntawm cov neeg ua hauj lwm sib koom tes nyob Nyab Laj rov lees tias : “Kev ywj pheej ntawm lub Koom Txoos uas muaj txoj cai kav, kom tau ua hauj lwm nyob hauv tej pab neeg”. 

Vas Tis Kas tshaj tias : ob tog puav leej pom zoo kom cov neeg ntseeg Kav Tos Liv nyob Nyab Laj teb tau txais kev txhawb siab ntawm Magisterium of the Church, hais txog lawv yog neeg ntseeg Kav Tos Liv zoo thiab yog pej xeem zoo.  

Lub rooj sab laj yog tsa nyob Vas Tis Kas hnub tim 31 lub 3 hlis tag los, muaj yawg Le Thi Thu Hang uas nws yog tus lwm pwm tsav txawv teb chaws, cov thawj coj sawv cev nyob Nyab Laj teb thiab Tswv Qhia Mirosław Wachowski tus pwm tsav kev sib raug zoo nyob Vas Tis Kas ob tog paub txog kev sib raug zoo ntawm Nyab Laj teb Vas Tis Kas. Kev sib txuas lus thiab kev sib tuav xam kom xwm yeem. Sib pauv hais txog cov sawv cev txheej siab thiab kev mus tsham ntawm Vaj Qhia los sis tus sawv cev Vaj Qhia sab nraud uas yog Tswv Qhia Marek Zalewski. 

Lub rooj sab laj tshwm sim nyob hauv lub siab dawb paug thiab ncaj ncees, kev sib raug zoo thiab sib hwm. Nod yog raws li cov xov xwm Vas Tis Kas tshaj tawm.