Cov niam ntiav Thaib ntau txhiab leej mus Zis Pees teb

Cov niam ntiav Thaib ntau txhiab leej mus Zis Pees teb

(Thousands of Thais victims of sex trafficking to Japan)

Txhua txhua xyoo muaj cov poj niam Thaib ntau txhiab leej mus Zis Pees teb, kom tau ua niam ntiav. Tab sis cov poj niam Thaib ntawd yog cov hnub nyoog me.

Lawv mus nyob hauv cov thaj tsam uas muaj cov neeg phem thiab muaj cov koom haum nrhiav neeg ua tus txhim tsa.

Nyob Thaib teb cov hauj lwm no raug neeg saib qis thiab muaj kev txhawb nqa los ntawm tej pab neeg uas nyiag noj nyiaj, ces kuj muaj tshwm sim yam tsis tu ncua. Qhov no yog hais los ntawm cov tub ceev xwm Thaib.

Raws kev soj ntsuam ntawm cov tub ceev xwm, pom tias niaj xyoo muaj cov poj niam Thaib li ntawm 10,000 txog 15,000 leej nyiag kev mus Zis Pees teb, vim lawv siv tej ntaub ntawv cuav kom tau mus ua niam ntiav. Tseem hwv Zis Pees muaj txoj cai nruj hais txog rau txim rau cov neeg nrhiav ua cov hauj lwm no, tab sis kev siv txoj cai tsis nruj.