COV NTSEEG YUAV NTSIB YES XUS NYOB HAUV KEV NYEEM NTAWV NTSHIAB

Nyob hauv phau ntawv Scripturae Sacrae Affectus uas luam tawm hnub tim 16 ib xyoo tom qab uas Vus NKes (Vulgate) tus sau phau ntawv tuag, mas yog muab phau Ntawv Ntshiab Hes Nplaws los txhais ua lus Las Tis Nas thawj zaug. Vaj Qhia Fas Ntshis Kus qhuab qhia tsoom neeg ntseeg tiam 21 tias : cov neeg ntseeg yuav ntsib Huab Tais Yes Xus tau nyob hauv kev nyeem Ntawv Ntshiab. Vaj Qhia thov kom cov neeg ntseeg sawv daws yuav tsum nqa phau Ntawv Ntshiab nrog cev tas li, kom sawv daws tau nyeem Tswv Ntuj cov Lus yam tsis tu ncua thiab tsis txhob pub phau Ntawv Ntshiab plam ntawm yus tes mus. Tam sim no phau Ntawv Ntshiab raug txhais ua 3,000 tawm xeem lus nyob thoob ntiaj teb.

Leej Ntshiab Yes Loos (Jerome) yog ib tug kws txhais Ntawv Ntshiab, tag nws sim neej nws tau ua lub neej nyob ntawm ntug suab puam, nws nyiam nyob ntsiag tog kom tau xav tswv yim thiab nyob ze Tswv Ntuj. Xyoo 379 Yes Loos xub mus Koos Tas Nis Nus tag, nws mam mus rau Los Mas. Xyoo 382 nws tau ua tus pab Vaj Qhia Ntas Mas Xus (Pope Damasus). Yes Loos tuag nyob lub nroog Npes Les Hes uas yog lub nroog Yes Xus yug los. Nyob ntawd, lawv txhim 2 lub tuam tsev. Yam li ib lub rau cov txiv neej, hos ib lub rau cov poj niam thiab tseem muaj ib lub tuam tsev loj tos txais cov neeg mus tsim koob hmoov. Nod kuj yog ib lub Cim ntawm Yes Loos uas qhia rau coob leej paub thiab pom txog tej qub chaw ntawm kev cawm, tau pom lub keeb ntawm txoj kev ntseeg. Vaj Qhia thiaj txhib cov neeg ntseeg kom nquag nyeem Ntawv Ntshiab, vim kev nyeem Ntawv Ntshiab yog kev ntsib Huab Tais Yes Xus.