COV OMI NYOB NPES LAS DES UA HMOOV TSUJ XEEB 50 XYOO

Cov Txiv Plig OMI nyob Npees Las Des teb ua hmoov tsuj xeeb lawv tau tshaj Ntuj Lus nyob Npees Las Des toob fab pej los txwm 50 xyoo rau hnub tim 29 lub 7 hli 2022 no. Lawv ua hmoov tsuj xeeb nyob hauv lub tsev teev Ntuj Church of Immaculate Conception, Lokhipur hauv Moulvibazar.

Tus Tswv Qhia Gervas Rozario nyob Rajshahi, Tswv Qhia Shorot Francis Gomes nyob Sylhet, cov Txiv Plig Oblates, cov Leej Phauj nyob qhov txhia chaw, cov Txiv Plig Holy Cross nrog cov neeg ntseeg 500 tawm leej tuaj ntawm ntau lub zos tuaj sib koom ua hmoov tsuj xeeb ua ke.

50 xyoo ntawm kev tshaj Ntuj Lus yog kev ncaj ncees, kev lees txhaum thiab kev tsim koob hmoov nyob hauv cov Txiv Plig. Cov lus no yog Txiv Plig Ajit Victor Costa tus sawv cev cov OMI nyob Npees Las Des teb ua tus hais.

Kev tsuj xeeb no yog pov thawj zeem tseeb txog kev tshaj Ntuj Lus nyob hauv lub teb chaws uas tsoom pej xeem feem coob yog Mawv Xis Lim. Cov Txiv Plig Oblates tshaj Ntuj Lus rau cov neeg nyob hauv nroog thiab cov haiv neeg tsawg thiab cov neeg thoj nam. Tsis tas li ntawd, tseem muaj kev qhia thiab kawm ua Txiv Plig rau yav tom ntej.