COV THAWJ COJ HAUV NTIAJ TEB NROG TSOOM PEJ XEEM MIAS MAS SIB KOOM SIAB

Kev teev hawm ua kom muaj kev thaj yeeb. Tswv Qhia Bo nyob Mias Mas tau ua tus thawj coj koom tawm tsam hais txog kev txeeb teb chaws nyob Mias Mas teb, thiab sib koom txhawb dej siab rau tsoom pej xeem nyob hauv cov teb chaws As Xias toob fab naj. Lub Koom Haum txawv teb chaws ua cov thawj coj yog teev hawm Phus Thas, teev hawm Mawv Xis Lim thiab teev hawm His Ntus tau sau ib tsab ntawv rau cov thawj tub rog Mias Mas, lawv taij thov kom tso cov tub tseev tsim uas cov tub rog ntes thiab txhawb nqa tsoom pej xeem nyob hauv txoj kev vam meej thiab kev thaj yeeb. Txhob ua kom tsoom pej xeem ceeb ntshai thiab tag kev cia siab.

Cov thawj coj txawv teb chaws hais tias ; lub neej yav tom ntej nyob ntawm tsoom pej xeem tes. Sawv daws tau hnov tsoom pej xeem lub suab qw thaum lawv xaiv lawv tus thawj coj. Kev ua hauj lwm ntawm cov thawj coj kev teev hawm nyob Mias Mas teb, tsis yog qhia txog lawv lub peev xwm thiab kev teev hawm xwb. Yog tias lawv tseem tau ua hauj lwm nrog tsoom pej xeem, mas cov teeb meem no yuav yog qhia qhov tseeb txog lawv tus thawj coj. Cov thawj coj lawv thov kom hloov kev kav tsoom pej xeem nyob hauv kev khuv leej thiab lees paub txog lawv txoj hauj lwm. Kom cov thawj tub rog Mias Mas xav txog kev sib haum xeeb hauv lub teb chaws uas tsoom pej xeem tsis tau txais thiab tsis tau nyob thaj y eeb los lawm ntau caum xyoo.