Cov tsev teev Ntuj hauv thaj chaw Ntshiab tseem ua qhov chaw rau neeg nkaum nyob hauv GAZA, thiab thov kom cia li tso tseg kev sib ntaus sib tua

Cov neeg laus thiab cov thawj coj nrog rau tus Tswv Qhia ntawm Canterbury, lawv txhib cov lus cog tias lawv yuav ua lub Koom Txoos cov hauj lwm los pab cov neeg tsis muaj zog nyob hauv kev thaj yeeb ib yam li nyob hauv tsov rog. Lawv taij thiab thov tshaj rau tas lub teb chaws pab txuag cov tsev kho mob, cov tsev kawm ntawv thiab cov tsev teev Ntuj. Txiv Plig Romanelli tau piav txog ib tug txiv neej uas tuag, vim nws pab nws tus tub nyob hauv lub tsev teev Ntuj Leej Ntshiab Porphyrius. Lub tsheb pab kev ncaj ncees tim 3 tab tom mus rau thaj tsam GAZA. Tsab ntawv xov xwm Pas Les Tis Nas tshaj tias muaj 400 tus neeg tuag nyob hauv 24 teev dhau los.

Cov thawj coj cov neeg ntseeg nyob Yes Lus Xas rov qab taij thov kev thaj yeeb thiab pab txuag cov pej xeem uas lawv tab tom raug kev kub ntxhov heev zuj zus. Hauv ntsuj tsov rog uas hem ncha ntws tias yuav ua kom His Xas Lais teb thiab Is Laas teb sib ntsib kiag thiab yuav rub kom tas cov teb chaws As Xias nrab sib txeeb ua ntxhov quav niab thiab ua kev piam sij loj. 

Tswv Qhia thiab cov thawj coj hauv lub tsev teev Ntuj uas nyob Yes Lus Xas Les hais tias : lawv muab siab rau ua raws cov hauj lwm ntshiab huv thiab ncaj ncees hais txog kev pab, kev txhawb nqa thiab ua qhov chaw nkaum rau cov neeg raug kev kub ntxhov nyob GAZA. Lawv koom teev Ntuj nrog tus Tswv Qhia ntawm Canterbury Justin Welby uas mus txog Yes Lus Xas Les, lawv rov txhawb kev thov Ntuj dua ib zaug rau cov pej xeem uas raug khuam nyob GAZA, vim kev pov hoob pob ntawm His Xas Lais thiab cov Hamas. Cov thawj coj neeg ntseeg hais txog kev qhia kev ntseeg ntawm Yes Xus kom cov ncaj ncees ua zoo rau cov neeg tsis muaj zog. Tsis yog ua nyob hauv lub caij muaj kev tiaj tus xwb, yuav tsum ua nyob hauv lub caij muaj tsov rog thiab. Lawv pom tias tej yam no yuav ua ib leeg tsis tau, ces lawv thiaj thov kom tas lub teb chaws pab txuag GAZA uas yog thaj tsam kho cov neeg thoj nam, xws li tsev kho mob, tsev kawm ntawv thiab cov tsev teev hawm.