COV TSWV QHIA AS MES LIS KAS KOOM NROG TSOOM PEJ XEEM UA IB LUB SIAB

Wednesday, March 17, 2021

Kev sib sau ntawm cov Tswv Qhia As Mes Lis Kas, mas qhia tau tias lawv nrog tsoom pej xeem Mias Mas koom ua ib lub siab. Kuj muaj cov Leej Phauj koom nrog tsoom pej xeem tawm tsam thiab. Vim kev txeeb teb chaws ntawm cov tub rog Mias Mas twb dhau los lawm 1 lub hlis. Tsab ntawv xov xwm Vas Tis Kas tshaj tias tawm hnub tim 1 lub 3 hlis no tias : muaj ib tug Leej Phauj Xas Vias txhos caug ntawm cov tub ceev xwm xub ntiag, nws thov kom cov tub ceev xwm ua phem rau tsoom pej xeem uas lawv sib sau tawm tsam.

Mias Mas teb muaj cov neeg ntseeg tsawg, tab sis kuj yog cov ntaus thawj coj tsoom pej xeem tawm tsam taij thov kev muaj vaj huam sib luag. Cov neeg ntseeg tsuas yog 6 feem pua xwb, feem coob ntawm tsoom pej xeem Mias Mas yog teev hawm Phus Thas. Tswv Qhia Malloy hais tias : Vaj Qhia koom nyob nruab nrab hauv cov neeg sib sau tawm tsam xyav moo txog qhov cov tub rog txeeb teb chaws thiab taij thov kom muaj kev thaj yeeb. Tswv Qhia Bo uas nyob Yaas Nkoos hais tias : “Teev ntshav dawb huv yuav tsis ntws nyob saum daim av no”.