COV TSWV QHIA NYOB AS XIAS ZOO SIAB NROG NPAIS DEES TXOJ KEV YEEJ (Asian Catholic bishops welcome Biden's victory in US elections)

Monday, November 23, 2020

Nyob hauv lub rooj sab laj cov Tswv Qhia nyob As Xias teb (FABC), mas lawv zoo siab uas tsoom pej xeem tau xaiv yawg Biden los ua As Mes Lis Kas Txoov Tim Tswv hloov yawg TRAMP.

“Peb xa kev thov Ntuj thiab kev zoo siab mus koom nrog tsoom pej xeem As Mes Lis Kas thiab Biden uas yog tus Txoov Tim Tswv tshiab”. Cov lus no yog cov lus nyob hauv tsab ntawv uas cov Tswv Qhia nyob As Xias teb xa mus nrog tsoom pej xeem As Mes Lis Kas ua kev zoo siab uas lawv tau xaiv yawg Biden los ua Txoov Tim Tswv. Cov Tswv Qhia tsab ntawv koom kev zoo siab, mas muaj tus Tswv Qhia Liab Charles Maung Bo ua tus sau yuas. (Tus thawj Tswv Qhia nyob As Xias) (FABC).

Rooj Tswv Qhia hais tias : kev xaiv tsa nyob As Mes Lis Kas teb, tsoom pej xeem tau xaiv yawg Biden los ua Txoov Tim Tswv, ces vam tias lub teb chaws yuav vam meej thiab cov Tswv Qhia ntseeg tias yuav muaj ntau yam zoo thiab kev ncaj ncees nyob hauv lub teb chaws.

“Tus Txoov Tim Tswv Biden loj hlob los ntawm ib tse neeg ntseeg Kav Tos Liv uas lawv muaj txoj kev ntseeg los ntev lawm. Li ntawd, nws txoj kev hlub tsoom pej xeem thiab hlub cov neeg pluag thiaj yog qhov uas tsoom pej xeem txaus siab xaiv nws los ua Txoov Tim Tswv”. Nod yog cov Txiv Plig cov lus hais.

“Lub ntiaj teb uas pluag thiab tab tom raug tej huab cua tsis zoo, tas sawv daws tab tom tos ntsia ntsoov kom As Mes Lis Kas teb yog lub teb chaws vam meej uas yuav pab lub ntiaj teb kom rov zoo thiab daws cov neeg pluag txom nyem lub neej”. Cov lus no yog ntau lub teb chaws nyob ntiaj teb hais.

“Vim txoj kev cia siab thiab kev thov Ntuj, mas peb zoo siab tos txais Biden, thiab vam tias nws yuav ua nws txoj hauj lwm ua thawj coj zoo. Yuav saib lub teb chaws ua qhov tseem ceeb thiab yuav txawj ntsia pom ib lub teb chaws pluag xws li Mias Mas teb yog qhov tseem ceeb”. Nod yog cov lus nyob hauv tsab ntawv xov xwm Mias Mas.

Tas cov Tswv Qhia nyob As Xias teb koom nrog cov Tswv Qhia As Mes Lis Kas sib koom thov Ntuj, thov Niam Mab Liab uas yog txoj hmoov zoo. Thov kom Leej Niam pab kom sawv daws txawj sib koom siab ua hauj lwm ua ke, kom txhua yam yav tom ntej tshwm sim tej yam zoo raws li cov tub tshaj Ntuj Lus As Mes Lis Kas lub hom phiaj, kom sawv daws txawj sib koom ua ib haiv neeg nyob hauv Tswv Ntuj. Tus Txoov Tim Tswv Biden yog tus raug xaiv los ua Txoov Tim Tswv, nws hais tias : “Lub sij hawm yuav yog hauv tshuaj kho kom txhua yam rov zoo tuaj”. Kev sib tawg ua ntxhov quav niab nyob As Mes Lis Kas teb, mas pab nom Democrats hais tias lawv yog tseem hwv kav teb chaws, lawv yuav maj mam sau tas lub teb chaws rov los sib koom ua ib tug thiab kho kom sawv daws sib haum xeeb. Sawv daws yuav sib pab tiv tus kab mob Covid-19, ua kom kev lag luam rov sawv taus ruaj ntseg. Txuag thiab pov hwm cov yim neeg As Mes Lis Kas kom nyob hauv kev thaj yeeb thiab daws kho txoj kev caij tsuj cov haiv neeg tawv nqaij sib txawv nyob hauv lub teb chaws.