Cov tub nkoj Fis Lis Pees ntau pua leej tseem khuam nyob Us Khas Zis Nas teb

Cov tub nkoj Fis Lis Pees ntau pua leej tseem khuam nyob Us Khas Zis Nas teb

(Hundreds of Filipino sailors still stranded in Ukrainian ports)

-Sunstar news photo-

Lav Xias txoj kev ntaus rog nrog Us Khas Zis Nas teb, ua teeb meem rau kev khiav nkoj nyob hauv hiav txwv. Tam sim no muaj cov tub nkog neeg txawv teb chaws khuam nyob hauv lub tshav nkoj Us Khas Zis Nas ntau txhiab leej. Cov tub nkog Lav Xias thiab tub nkog Us Khas Zis Nas nyob txawv teb chaws kuj rov qab tsis tau. Los txog tam sim no muaj 5 lub nkoj raug hoob pob thiab cov tub nkog Npees Las Des tuag coob leej.

 Muaj li ntawm 100 lub nkoj thiab cov tub nkog txawv teb chaws 1,000 leej raug khuam nyob Us Khas Zis Nas teb. Cov tub nkog lawv tsis tau xyaum hais txog kev khiav nkoj lub caij muaj tsov rog, ces lawv thiaj raug khuam nyob hauv lawv lub nkoj thiab cov toob xib. Cov tub nkog Lav Xias thiab Us Khas Zis Nas muab xam los mas yog 17 feem pua ntawm cov tub nkog thoob ntiaj teb. Tam sim no tshuav 60,000 tus tub nkog khuam nyob hauv hiav txwv thiab lawv tos rov qab mus tsev.